Navaratnalu

జూనియర్ లాయర్లకు జగన్ గుడ్‌న్యూస్ | ఫిబ్రవరి నెలలో లా నేస్తం డబ్బులు రూ.5000/- జమ

by

మొదటిసారిగా ఎవరైతే అర్హత కలిగిన జూనియర్ లాయర్లు లా నేస్తం కి అప్లై చేసుకున్నారో, మీ అందరి బ్యాంక్ అకౌంట్ లో ఫిబ్రవరి నెలలో రూ.5000/- జమవుతాయి. కరెక్ట్ డేటు ఇంకా అనౌన్స్ చేయలేదు, కానీ ఫిబ్రవరి నెలలో అయితే తప్పనిసరిగా రాష్ట్ర ప్రభుత్వం లా నేస్తం డబ్బులు మంజూరు చేయనుంది. రాష్ట్ర ప్రభుత్వం మొదటిసారిగా 1970 మందికి లా-నేస్తం డబ్బులు రూ.5000/- ఫిబ్రవరి నెలలో జమ చేయనుంది. కావున ఈ పథకానికి అప్లై చేసిన వారందరూ మీ అర్హతను మీ గ్రామంలో లేదా వార్డు సచివాలయాల్లో వెళ్లి చెక్ చేసుకోండి.

Law-Nestham-Amount-Release

లా నేస్తం గురించి : జూనియర్ లాయర్ గా వారు ప్రాక్టీస్ పొందే టప్పుడు వారు ఆర్థికంగా ఇబ్బంది పడతారని రాష్ట్ర ప్రభుత్వం లా నేస్తం అనే పథకాన్ని ప్రారంభించింది. అలాంటి వారికి ఒక మూడు సంవత్సరాల వరకు అంటే వాళ్లకి ఎక్స్పీరియన్స్ వచ్చేంతవరకు నెలకు ఐదు వేల రూపాయల చొప్పున ప్రతి నెల వారి అకౌంట్లో జమ చేయాలని అయితే రాష్ట్ర ప్రభుత్వం నిర్ణయించింది.

మొత్తం అప్లై చేసుకున్న వారి సంఖ్య : 2524

వెరిఫికేషన్ పూర్తి అయిన వారి సంఖ్య : 2232

జిల్లా పేరు దరఖాస్తు దారుల సంఖ్య
అనంతపురం 109
చిత్తూరు 100
వైఎస్ఆర్ కడప 101
తూర్పు గోదావరి 187
గుంటూరు 339
కృష్ణుడు 299
కర్నూలు 205
SPSR నెల్లూరు 117
ప్రకాశం 158
శ్రీకాకుళం 67
విశాఖపట్నం 223
విజయనగరం 42
పశ్చిమ గోదావరి 160

నా నేస్తానికి అప్రూవ్ అయిన వారి సంఖ్య : 2085

నా నేస్తం డబ్బులు మంజూరు చేయబడిన వారి సంఖ్య : 1970

  • అనంతపురం : 105
  • చిత్తూరు : 92
  • వైఎస్ఆర్ కడప : 85
  • తూర్పు గోదావరి : 176
  • గుంటూరు : 313
  • కృష్ణుడు : 288
  • కర్నూలు : 197
  • SPSR నెల్లూరు : 107
  • ప్రకాశం : 144
  • శ్రీకాకుళం : 64
  • విశాఖపట్నం : 210
  • విజయనగరం : 39
  • పశ్చిమ గోదావరి : 150

పై అంశానికి సంబంధించి ఏవైనా సందేహాలు ఉంటే దయచేసి క్రింద ఉన్న కామెంట్ బాక్స్ ద్వారా మాకు తెలియజేయండి.

ఫిబ్రవరి 10న వైయస్సార్ కళ్యాణమస్తు / షాదీ తోఫా మొదటి విడత డబ్బులు విడుదల | 2023

by

YSR Kalyanamastu’ and ‘YSR Shadi Thofa : వైఎస్ఆర్ కళ్యాణమస్తు మరియు వైఎస్ఆర్ షాదీ తోఫా కి అక్టోబర్, నవంబర్, డిసెంబర్ నెలలలో ఎవరైతే అప్లై చేసుకున్నారు వారికి శుభవార్త. అదేంటంటే రాష్ట్ర ప్రభుత్వం ఈ నెల 10వ తేదీన వైఎస్ఆర్ కళ్యాణమస్తు మరియు వైఎస్ఆర్ షాదీ తోఫా డబ్బులు మొదటిసారిగా విడుదల చేస్తున్నారు. కావున ఎవరైతే అప్లై చేశారో, వారిలో అర్హులైన వారందరికీ ఖాతాలలో ఫిబ్రవరి 10న డబ్బులు జమ కానుంది.

YSR Kalyanamasthu Scheme for Poor Brides Marriage Financial Assistance

ysr-kalyanamastu-shadi-thofa-updates

వైఎస్సార్ కళ్యాణమస్తు కింద

  • SC, ST లకు రూ లక్ష.
  • కులాంతర వివాహం చేసుకున్న SC, ST కు రూ.1.20 లక్షలు
  • BC లకు రూ.50వేలు
  • కులాంతర వివాహం చేసుకున్న BC లకు రూ.75వేలు ఇవ్వనున్నారు.

Important

Name of the Scheme : YSR Kalyanamasthu (వైఎస్సార్ కళ్యాణమస్తు )

Aim of the Scheme : Providing financial Assistance to the BC,SC,ST, Differently abled marriages

Launching date : 1st Oct 2022

Eligibility : BC, SC, STs, Differently-abled poor people meeting the criteria

Benefit of the YSR Kalyanamasthu : Rs 50000  Rs 1.5 Lakhs depending on the criteria

Application process (Where to apply) : Grama / Ward Sachivalyam

వైఎస్సార్ కళ్యాణమస్తు స్కీమ్  :

వైఎస్సార్ కళ్యాణమస్తు స్కీమ్ ని అక్టోబర్ 1 నుంచి వైఎస్సార్ కళ్యాణమస్తు అమలు చేశారు.  

వైఎస్సార్ కళ్యాణమస్తు కింద ఎస్సీలకు రూ. లక్ష మేర పెళ్లి కానుక ఇవ్వనున్నారు.

అలాగే కులాంతర వివాహం చేసుకున్న ఎస్సీలకు లక్షా 20 వేలు.

ఎస్టీల పెళ్లిళ్లకు లక్ష, కులాంతర వివాహం చేసుకుంటే 1.20 లక్షలు.

అలాగే బీసీల పెళ్లిళ్లకు రూ.50 వేలు, కులాంతర వివాహం చేసుకున్న బీసీలకు రూ. 75 వేలు.

అలాగే ప్రతిభావంతులకు వైఎస్సార్ కళ్యాణమస్తు కింద వైఎస్సార్ కళ్యాణమస్తు కింద రూ.1.50 లక్షలు.

వికలాంగుల వివాహాలకు రూ. 1.5 లక్షలు.

భవన నిర్మాణ కార్మికులకు రూ.40వేలు ఇవ్వాలని నిర్ణయించారు. 

పై అంశానికి సంబంధించి ఏవైనా సందేహాలు ఉంటే దయచేసి క్రింద ఉన్న కామెంట్ బాక్స్ ద్వారా మాకు తెలియజేయండి.

 

YSRCP: ఇంటింటికీ జగన్ వచ్చేస్తున్నాడు

by

ఏపీలో పొలిటికల్ హీట్ పెరుగుతోంది. నారా లోకేశ్ ఇప్పటికే పాదయాత్ర మొదలుపెట్టగా.. పవన్ కళ్యాణ్ వారాహిలో బస్సు యాత్ర ప్రారంభించనున్నాడు. దీంతో అధికార పార్టీ కూడా అప్రమత్తమైంది. తమ ప్రభుత్వ పథకాలు పొందిన ప్రతి ఇంటికి ‘మా నమ్మకం నువ్వే’ జగన్ పేరిట స్టిక్కర్లను అతికించాలని భావిస్తోంది. అలాగే సీఎం జగన్ సైతం స్వయంగా రంగంలోకి దిగుతారట. ఏప్రిల్ నుంచి జగన్ బస్సు యాత్ర ద్వారా జనంలోకి వెళ్తారని తెలుస్తోంది.

Jagan-padayatra

ప్రధానాంశాలు:

  • అసెంబ్లీ ఎన్నికల కోసం వ్యూహరచన మొదలుపెట్టిన పార్టీలు
  • మా నమ్మకం నువ్వు జగన్ అంటోన్న వైఎస్సార్సీపీ
  • సీఎం జగన్ బస్సు యాత్రను ప్రారంభించే ఛాన్స్?

ఏపీలో ఎన్నికలకు ఏడాదికిపైగా సమయం ఉంది. కానీ రాజకీయ పార్టీలు మాత్రం అప్పుడే ఎన్నికలకు సన్నద్ధం అవుతున్నాయి. నారా లోకేశ్ యువ గళం పేరిట పాదయాత్ర చేస్తుండగా.. జనసేన అధినేత పవన్ కళ్యాణ్ ‘వారాహి’పై రాష్ట్రవ్యాప్తంగా యాత్రకు సిద్ధం అవుతున్నారు. ఈ నేపథ్యంలో అధికార పార్టీ సైతం రేసులోకి వచ్చింది. తమకు కొండంత బలమైన ‘వైఎస్ జగన్’ ఫొటోతో జనంలోకి వెళ్లేందుకు కార్యాచరణ రూపొందిస్తోంది.

ఇప్పటికే గడప పడగకూ వైఎస్సార్సీపీ కార్యక్రమాన్ని నిర్వహిస్తోన్న అధికార పార్టీ.. ప్రతి ఇంట్లో జగన్ పేరు వినిపించేలా కొత్త కార్యక్రమాన్ని మొదలుపెడుతోంది. ‘మా నమ్మకం నువ్వే జగన్’ పేరిట తయారు చేసిన స్టిక్కర్లను ప్రతి ఇంటికి అతికించాలని వైఎస్సార్సీపీ భావిస్తోంది. రాజకీయాల్లో మిగతా ప్రతిపక్ష నేతలకు.. తనకు ఉన్నది విశ్వసనీయత అని జగన్ పదే పదే చెబుతుంటారు. దాన్ని గుర్తుకు తెచ్చేలా కొత్త స్లోగన్ రూపొందించడం గమనార్హం.

జగన్ అధికారంలోకి వచ్చాక రాష్ట్రంలోని ప్రతి కుటుంబానికి లబ్ధి చేకూరిందని.. అర్హులైన అందరికీ సంక్షేమ పథకాలు అందాయని వైఎస్సార్సీపీ నేతలు ధీమాగా చెబుతున్నారు. దీంతో తమ ప్రభుత్వం నుంచి లబ్ధి పొందిన వారి ఇళ్లలో ‘మా నమ్మకం నువ్వే జగన్’ స్టిక్కర్లను అతికించే ప్రక్రియను మొదలుపెట్టారు. ఇప్పటికే రాష్ట్రంలో పలు చోట్ల ఇందుకు సంబంధించిన కార్యక్రమాలు నిర్వహిస్తున్నారు. ఇలా చేయడం వల్ల ప్రతి ఒక్కరికి తమ పార్టీతో ఎమోషనల్ బాండింగ్ ఏర్పడుతుందని అధికార పార్టీ నేతలు అంచనా వేస్తున్నారు.

ప్రతిపక్షాల ఆరోపణలు తిప్పికొట్టడంతోపాటు.. మళ్లీ జగనే అధికారంలోకి రావాలనే సానుకూల భావనను జనాల్లోకి తీసుకెళ్లడం కోసం అధికార పార్టీ ఈ కొత్త స్లోగన్‌ను తీసుకొచ్చింది. 2019 ఎన్నికలకు ముందు ‘రావాలి జగన్.. కావాలి జగన్’ అనే నినాదం ఎంత ప్రభావం చూపిందో తెలిసిందే. దీనికి కొనసాగింపుగా.. ఇప్పుడు ‘మా నమ్మకం నువ్వే’నంటూ జనాలను తమవైపు తిప్పుకోవడానికి అధికార పార్టీ ప్రయత్నిస్తోంది. ప్రతిపక్షాలు ‘సైకో పాలన పోవాలి.. సైకిల్ రావాలి’ లాంటి స్లోగన్లతో వైఎస్సార్సీపీ సర్కారుపై ఆరోపణలు గుప్పిస్తున్నాయి. విపక్షాల ప్రచారాన్ని తిప్పికొట్టడం కోసం అధికార పార్టీ వ్యూహకర్తలు ఈ నినాదాన్ని తెరమీదకు తెచ్చారు.

జగన్ బస్సు యాత్ర?
అధికార పార్టీ ఇక్కడితో ఆగేలా కనిపించడం లేదు. ఏప్రిల్ నుంచి సీఎం జగన్ సైతం బస్సు యాత్ర ద్వారా జనాల్లోకి వెళ్లనున్నారని తెలుస్తోంది. ఇందులో భాగంగా ప్రతి మండలాన్ని టచ్ చేసేలా.. ముఖ్యమంత్రి పల్లె నిద్ర చేసేలా అధికార పార్టీ ప్రణాళికలు రచిస్తోందని సమాచారం. ఈ సందర్భంగా సీఎం నేరుగా ప్రజలను కలిసి వారి సమస్యలను తెలుసుకొని సాధ్యమైనంత తర్వగా పరిష్కరించనున్నారు. ఎన్నికలకు ఆరు నెలల ముందే అభ్యర్థులను ప్రకటిస్తానని జగన్ ఇదివరకే చెప్పిన సంగతి తెలిసిందే.

పై అంశానికి సంబంధించి ఏవైనా సందేహాలు ఉంటే దయచేసి క్రింద ఉన్న కామెంట్ బాక్స్ ద్వారా మాకు తెలియజేయండి.

Harish Rao: Special fund for SC and ST in the budget.. Help for Foreign Education

by

Harish Rao: బడ్జెట్‌లో ఎస్సీ, ఎస్టీలకు ప్రత్యేక నిధి.. విదేశీ విద్యకు సాయం

Telangana Budget 2023: తెలంగాణ బడ్జెట్‌లో ఎస్సీ , ఎస్టీలకు భారీగా నిధులు కేటాయించారు. ఎస్సీ ప్రత్యేక నిధి రూ. 36,750 కోట్లు, ఎస్టీ ప్రత్యేక నిధి కోసం రూ. 15,233 కోట్లు కేటాయించారు.

ప్రధానాంశాలు:

ఎస్సీ, ఎస్టీలకు గుడ్ న్యూ్స

బడ్జెట్‌‌లో ప్రత్యేక నిధి ఏర్పాటు

భారీగా కేటాయింపు

Telangana Budget 2023: తమ ప్రభుత్వం ఎస్సీ ఎస్టీల అభ్యున్నతికి పాటుపడుతుందని తెలంగాణ ఆర్థిక మంత్రి హరీశ్ రావున్న అన్నారు. అసెంబ్లీలో బడ్జెట్ ప్రవేశ పెట్టిన ఆయన.. ఎస్సీ, ఎస్టీలకు గుడ్ న్యూస్ చెప్పారు. ప్రత్యేక నిధి ద్వారా భారీగా కేటాయింపులు చేశారు. ఎస్సీ ప్రత్యేక నిధి రూ. 36,750 కోట్లు, ఎస్టీ ప్రత్యేక నిధి కోసం రూ. 15,233 కోట్లు కేటాయించారు. గిరిజనులకు విద్యా, ఉద్యోగాల్లో 10 శాతం రిజర్వేషన్లు కల్పించినట్లు తెలిపారు. తండాలను గ్రామ పంచాయతీలుగా మార్చి వారికి పాలన చేరువ చేశామన్నారు. అంబేడ్కర్ ఓవర్సీస్ స్కాలర్ షిప్ ద్వారా ఎస్సీ బిడ్డలకు రూ. 20 లక్షల వరకు విదేశీ విద్యకు సాయం చేస్తున్నామన్నారు.

ఇక దళితబంధు పథకానికి బడ్జెట్‌లో రూ. 17,700 కోట్లు కేటాయించారు. చరిత్రలో మునుపెన్నడూ లేని విధంగా తెలంగాణ ప్రభుత్వం ప్రతి దళిత కటుంటానికి రూ. 10 లక్షల ఆర్థిక సాయం అందిస్తుందని హరీశ్ రావు అన్నారు. దళితులు వ్యాపార రంగంలో ఎదగాలనే సంకల్పంతో ప్రభుత్వ లైసెన్సుల ద్వారా చేసుకునే లాభదాయక వ్యాపారాల్లో రిజర్వేషన్లు అమలు చేస్తున్నట్లు చెప్పారు. దళితుల గృహ అవసరాల కోసం 101 యూనిట్ల వరకు ఉచిత విద్యుత్‌ను అందిస్తున్నట్లు హరీశ్ రావు వెల్లడించారు. ఎస్సీ, ఎస్టీలకు ఉద్దేశించిన నిధులు ఇతర పథకాలకు మళ్లించకుండా రక్షణ కల్పిస్తున్నట్లు చెప్పారు.

2023-24 ఆర్థిక సంవత్సరానికి గానూ మెుత్తం 2,90,396 కోట్లతో బడ్జెట్‌ను రూపొందించారు. మూలధన వ్యయం 2,11,685 కోట్లు కాగా.. పెట్టుబడి వ్యయం 37,525 కోట్లు. కరోనా, ఆర్థిక మాధ్యం వంటి సంక్షోభాలను తట్టుకొని రాష్ట్రం నిలబడిందని ఈ సందర్భంగా ఆర్థిక మంత్రి హరీశ్ రావు అన్నారు.

పై అంశానికి సంబంధించి ఏవైనా సందేహాలు ఉంటే దయచేసి క్రింద ఉన్న కామెంట్ బాక్స్ ద్వారా మాకు తెలియజేయండి.

Farm Loan Waiver: KCR Sarkar good news for farmers in budget | బడ్జెట్‌లో రైతులకు గుడ్ న్యూస్ చెప్పిన కేసీఆర్ సర్కార్

by

Telangana Budget: బడ్జెట్‌లో రైతులకు తెలంగాణ ప్రభుత్వం గుడ్ న్యూస్ తెలిపింది. రుణమాఫీ పథకానికి భారీగా నిధులు కేటాయించింది. అలాగే వ్యవసాయ రంగంతో పాటు రైతు బీమా, రైతు బంధు పథకానికి భారీగా కేటాయింపులు జరిపింది. రూ.లక్షలోపు రుణాలను మాఫీ చేస్తామంటూ గత ఎన్నికల్లో టీఆర్ఎస్ హామీ ఇచ్చింది. ఆ హామీ అమల్లో భాగంగా కొంతమంది రైతులకు మాత్రమే రుణమాఫీ చేశారు. బడ్జెట్‌లో నిధులు కేటాయించడంతో.. రూ.లక్షలోపు రుణాలన్నీ మాఫీ కానున్నాయి.

farm-loan-waiver-kcr-sarkar

ప్రధానాంశాలు:

  • బడ్జెట్‌లో రైతులకు భారీగా నిధులు
  • రుణమాఫీ పథకానికి రూ.6,385 కోట్లు
  • రైతుబీమాకు రూ.1,589 కోట్లు

Telangana Budget: తెలంగాణ బడ్జెట్‌లో వివిధ సంక్షేమ, అభివృద్ధి పథకాలకు భారీగా కేటాయింపులు జరిపారు. ముఖ్యంగా రైతుల సంక్షేమ పథకాలకు కేసీఆర్ సర్కార్ భారీగా నిధులు కేటాయించింది. రైతు బీమా పథకానికి రూ.1,589 కోట్లు, రైతు బంధు పథకానికి రూ.1,575 కోట్లు, రుణమాఫీ పథకానికి రూ.6,385 కోట్లు, వ్యవశాయ శాఖకు రూ.26,831 కోట్లు కేటాయించారు. ఆసరా ఫించన్ల కోసం రూ. 12,000 కోట్లు ,దళిత బంధుకు రూ. 17,700 కోట్లు, డబుల్ బెడ్ రూం ఇళ్ల పథకానికి రూ.12 వేల కోట్లు, ఆరోగ్య శ్రీ పథకానికి రూ.1,1463 కోట్లు కేటాయించారు.

వడ్డీ లేని రుణాల కోసం రూ.1500 కోట్లు, ప్రత్యేక అభివృద్ధి నిధి కోసం రూ.10,348 కోట్లు బడ్జెట్‌లో కేటాయించారు. ఆయిల్ పామ్ సాగు కోసం రూ.వెయ్యి కోట్లు, ప్రజాపంపిణీ వ్యవస్థ కోసం రూ.3,117 కోట్లు నిధులు కేటాయించారు. పంజాయతీ రాజ్ శాఖ కోసం రూ.31,426 కోట్లు, పురపాలక శాఖ కోసం రూ.11,372 కోట్లు, అటవీశాఖ, హరితహారం కోసం రూ.1,471 కోట్లు, రోడ్లు, భవనాల మరమ్మతుల కోసం రూ.2,500 కోట్లు కేటాయించారు.

గత ఎన్నికల్లో రూ.లక్షలోపు రుణాలు మాఫీ చేస్తామని టీఆర్ఎస్ హామీ ఇచ్చింది. కానీ ఇప్పటివరకు రూ.50 వేలలోపు వ్యవసాయ రుణాలు మాత్రమే మాఫీ చేశారు. రూ.లక్షలోపు రుణం తీసుకున్నవారికి ఎప్పుడు రుణ మాఫీ చేస్తారనే దాని కోసం రైతులు ఎదురుచూస్తున్నారు. గత బడ్జెట్‌లో రూ.50 వేలలోపు వ్యవసాయ రుణాల మాఫీకి బడ్జెట్‌లో నిధులు కేటాయించగా.. ఈ సారి రూ.లక్షలోపు రుణాలన్నీ మాఫీ చేసేందుకు తెలంగాణ ప్రభుత్వం బడ్జెట్‌లో నిధులు కేటాయించింది. ఇక రైతుబీమా పథకం అమలు చేయడం లేదనే విమర్శలు ప్రతిపక్షాల నుంచి విమర్శిస్తున్నాయి. దీంతో రైతు బీమాకు కూడా ప్రభుత్వం భారీగా కేటాయింపులు జరిగింది. వ్యవసాయ రంగానికి కూడా భారీగా నిధులు కేటాయించడంపై రైతులు హర్షం వ్యక్తం చేస్తున్నారు. అసెంబ్లీ ఎన్నికల నేపథ్యంలో రైతు సంక్షేమానికి రాష్ట్ర ప్రభుత్వం భారీగా నిధులు కేటాయించడం గమనార్హం.

పై అంశానికి సంబంధించి ఏవైనా సందేహాలు ఉంటే దయచేసి క్రింద ఉన్న కామెంట్ బాక్స్ ద్వారా మాకు తెలియజేయండి.