KCR News: తెలంగాణలో BRS ప్రభుత్వం గత ఎనిమిది ఏళ్లలో ఆస్తుల సృష్టిలో అసాధారణ వృద్ధిని పర్యవేక్షించింది. 2014లో కేసీఆర్ అధికారంలోకి వచ్చిన సమయంలో ప్రభుత్వం వద్ద మొత్తం 60 లక్షల చదరపు అడుగుల భవనాలు ఉన్నాయి. అయితే గడచిన 8 ఏళ్ల కాలంలో ఇది 2.30 కోట్ల చదరపు అడుగులకు పెంచటం జరిగింది.

Telangana’s KCR Government Topped In Creating Assets Know Complete Details

కొత్తగా ఏర్పాు చేస్తున్న సెక్రటేరియట్ లోనే దాదాపు 8.50 లక్షల చదరపు అడుగులతో పాటు జిల్లాల్లో కలెక్టర్ సముదాయాలు, విద్యా సంస్థలు, ఆసుపత్రులు నిర్మించబడ్డాయి. ఇవన్నీ భారీగా ఆస్తుల సృష్టికి దోహదపడ్డాయి. తెలంగాణ సామాజిక-ఆర్థిక సర్వే 2023 వివరాల ప్రకారం గోవా తర్వాత రెండవ స్థానంలో నిలిచింది. అలాగే ప్రధాన రాష్ట్రాలను పరిగణలోకి తీసుకుంటే మెుదటి స్థానంలో నిలిచింది.

తెలంగాణలో జిల్లాల సంఖ్యను 10 నుంచి 33కి పెంచినందున కొత్తగా ప్రభుత్వ కార్యాలయాలు, కలెక్టర్ కాంప్లెక్స్ లు, హైదరాబాద్‌లో అత్యాధునిక పోలీస్‌ కమాండ్‌ కంట్రోల్‌ సెంటర్‌ నిర్మించాలని సీఎం కేసీఆర్ తీసుకున్న నిర్ణయాల ఫలితంగా రూ. 40 లక్షల చదరపు అడుగులకు పైగా ఆస్తులు పెరిగాయి. దీనికి తోడు హైదరాబాద్‌లో అతిపెద్ద ఇంక్యుబేటర్ ‘T-HUB 2.0’ని నిర్మించడానికి, IT టవర్‌లను నిర్మించడం ద్వారా IT రంగాన్ని టైర్-2 నగరాలకు విస్తరించడానికి ఐటీ మంత్రి కేటీఆర్ చొరవ ఫలితంగా 10,68,850 చదరపు అడుగుల ఆస్తులు ఏర్పడ్డాయి.

దీనికి తోడు కేసీఆర్ ప్రభుత్వం హైదరాబాద్ నగరంలో 61,544 చదరపు అడుగుల్లో బంజారా భవన్, 82,009 చదరపు అడుగుల్లో ఆదివాసీ భవన్ నిర్మాణం ద్వారా ఆస్తిని సృష్టించింది. దీనికి తోడు ప్రతి జిల్లా హెడ్ క్వార్టర్స్‌లో ఒక వైద్య కళాశాలను దానికి అనుబంధంగా ఒక వైద్య కళాశాలను నెలకొల్పడం వల్ల మరో 32 లక్షల చదరపు అడుగుల ఆస్తి ఏర్పడింది. BRS ప్రభుత్వం 2019లో హైదరాబాద్‌లో దీర్ఘకాలంగా పెండింగ్‌లో ఉన్న MLA మరియు MLC క్వార్టర్లను పూర్తి చేయటంతో 2.88 లక్షల చదరపు అడుగుల ఆస్తుల సృష్టి జరిగింది. మొత్తం 119 నియోజకవర్గాల్లో ఎమ్మెల్యేలకు క్యాంపు కార్యాలయాలు నిర్మించాలనే నిర్ణయం అదనంగా 4.23 లక్షల చదరపు అడుగుల ఆస్తిని సృష్టించనుంది.

తెలంగాణలో ఆస్తుల సృష్టి కేవలం భవనాల నిర్మాణానికి మాత్రమే పరిమితం కాలేదు. కేసీఆర్ ప్రభుత్వం రూ.35,000 కోట్ల వ్యయంతో మిషన్ భగీరథను, లక్ష కోట్ల రూపాయలు వెచ్చించి ప్రపంచ ప్రఖ్యాత కాళేశ్వరం లిఫ్ట్ ఇరిగేషన్ ప్రాజెక్టును నిర్మించింది. ఇది రాష్ట్రంలోని ప్రతి ప్రాంతానికి నీటిని అందించేందుకు దోహదపడుతూ పంటలకు సాగు నీటిని, ప్రజలకు తాగు నీటిని అందిస్తోంది.

తెలంగాణ రాష్ట్రం ఆయిల్ సాగుపై ప్రత్యేక దృష్టి పెట్టింది. రైతులకులాభదాయకమైన ఆయిల్ పామ్ సాగుకు ప్రోత్సాహకం అందిస్తుంది. ప్రతి ఎకరానికిసంవత్సరానికి రూ.4200 సబ్సిడీ ఇస్తుంది. మార్చి చివరి నాటికి5వేల ఎకరాల్లో ఆయిల్ పామ్ సాగు చేసే విధంగా చర్యలు మొదలుపెట్టారు.

ఆయిల్ పామ్ సాగు కోసం డ్రిప్ ఇరిగేషన్ వ్యవస్థ మంజూరు, పంపిణీ త్వరితగతిన పూర్తి చేయాలని భూపాలపల్లి జిల్లా కలెక్టర్ అధికారులను ఆదేశించారు. ఆయిల్ పామ్ సాగు ప్రయోజనాలను విస్తృతంగా అవగాహన కల్పించి.. రైతులు ఆయిల్ ఫామ్ సాగును ప్రత్యామ్నాయ పంటగా చూసేలా చేయాలని చెప్తున్నారు. రైతుల అభివృద్ధికిఆయిల్ పామ్ సాగు ఎంతో లాభదాయకమని, రైతులు ప్రత్యామ్నాయ పంట క్రింద ఆయిల్ పామ్ సాగు చేయాలని అన్నారు. భూపాలపల్లి జిల్లాలో 2022-23 సంవత్సరానికి 5 వేల ఎకరాలలో ఆయిల్ పామ్ సాగు లక్ష్యం కాగా, ఇప్పటి వరకు487 మంది రైతులకు చెందిన 1529 ఎకరాలలో ఆయిల్ పామ్ మొక్కలు నాటడం జరిగిందని అధికారులు చెప్తున్నారు. ఆయిల్ పామ్ సాగుతో నాలుగు సంవత్సరాలలో ఆదాయం కోల్పోకుండా అంతర్గత పంటలు వేసి ఆదాయం పొందవచ్చని, ప్రభుత్వం ఎకరానికిరైతు బంధుకు అదనంగా సంవత్సరానికి రూ.4200 సబ్సిడీ అందించడం జరుగుతుందని కలెక్టర్ చెప్పారు.

భూపాలపల్లి జిల్లాలో పెండింగ్ లో ఉన్న 3500 ఎకరాలలోమార్చి చివరి నాటికి ఆయిల్ పామ్ సాగు చేపట్టేలా వ్యవసాయ విస్తరణ అధికారులు లక్ష్యాలు నిర్దేశించుకొని పని చేయాలని కలెక్టర్ ఆదేశించారు. మార్చి చివరి నాటికి ఎట్టి పరిస్థితుల్లో జిల్లాకు కేటాయించిన లక్ష్యాలు పూర్తి చేయాలని, ఇప్పటికే మొక్కలకు డీడీ చెల్లించిన రైతుల నుంచి, డ్రిప్ కోసం సైతం డిడి తీసుకోవాలని, నూతనంగా ముందుకు వచ్చే రైతుల నుంచి డీడీలుసేకరించాలని కలెక్టర్ ఆదేశించారు. ఆయిల్ పామ్ సాగు చేసేందుకు వీలుగా సబ్సిడీపై డ్రిప్ ఇరిగేషన్ వ్యవస్థ ఏర్పాటు చేయడం జరుగుతుందని, ఎస్సీ, ఎస్టీ రైతులకు 100%, బీసీ, ఓసి రైతులకు 5 ఎకరాలోపు 90%, 5 ఎకరాలకు పైగా ఉన్నట్లైతే 80% సబ్సిడీ ఉందని, రైతులువారి వాటా 10% కాని,20% కాని జీఎస్టీతో కలిపి డిడి తీయాలని కలెక్టర్ చెప్తున్నారు. ప్రతి వ్యవసాయ విస్తరణ అధికారి పరిధిలో సుమారుగా 1500 ఎకరాలలో గుర్తించిన రైతుల వివరాలను సంబంధిత ఉద్యాన శాఖ అధికారులకు అందించవలసిందిగా వ్యవసాయ శాఖ అధికారులను ఆదేశించడం జరిగింది. క్లస్టర్లలో నిర్మించిన రైతు వేదికల్లో ఆయిల్ పామ్ సాగు సంబంధించి విస్తృత ప్రచారం, అవగాహన కార్యక్రమాలు కల్పించాలని కలెక్టర్ సూచించారు. రైతులకు లాభదాయకమైన పంటలపై ప్రత్యేక దృష్టి పెట్టిన భూపాలపల్లి జిల్లా కలెక్టర్ కు రైతులు కృతజ్ఞతలు తెలుపుతున్నారు.

తెలంగాణ రాష్ట్రంలోని మహిళా ఔత్సాహిక పారిశ్రామిక వేత్తలకు ప్రోత్సాహం అందించేందుకు రాష్ట్ర ప్రభుత్వం రూపొందించిన కార్యక్రమమే వీ-హబ్. వీ-హబ్ అంటే ఉమెన్ ఎంట్రప్రెన్యూర్స్ హబ్ అన్నమాట. 2018 మార్చి8న అంతర్జాతీయ మహిళా దినోత్సవం సందర్భంగా రాష్ట్ర ఐటీ శాఖ మంత్రి కేటీఆర్ దీన్ని ప్రారంభించారు.

ప్రధానాంశాలు:

• మహిళా పారిశ్రామిక వేత్తలకు ప్రోత్సాహం
• గ్లోబల్ మార్కెట్‌పై ఎదిగేలా సాయం
• సమసమాజాన్ని స్థాపిస్తోన్న వీ-హబ్
• వీ-హబ్ తొలి ఫ్లాగ్‌షిప్ రూరల్ ఇంక్యుబేషన్ ప్రొగ్రామ్‌ లాంచ్

తెలంగాణ రాష్ట్రంలోని మహిళా ఔత్సాహిక పారిశ్రామిక వేత్తలకు ప్రోత్సాహం అందించేందుకు రాష్ట్ర ప్రభుత్వం రూపొందించిన కార్యక్రమమే వీ-హబ్. వీ-హబ్ అంటే ఉమెన్ ఎంట్రప్రెన్యూర్స్ హబ్ అన్నమాట. 2018 మార్చి8న అంతర్జాతీయ మహిళా దినోత్సవం సందర్భంగా రాష్ట్ర ఐటీ శాఖ మంత్రి కేటీఆర్ దీన్ని ప్రారంభించారు. వీ-హబ్ కింద మహిళా వ్యాపారవేత్తలు స్థాపించే స్టార్టప్ కంపెనీలను ప్రోత్సహిస్తూ వారికి అన్ని రకాలుగా సహాయ సహకారాలను అందిస్తోంది రాష్ట్ర ప్రభుత్వం.

మహిళా పారిశ్రామిక వేత్తలను ప్రోత్సహించేందుకు దేశంలోనే తీసుకొచ్చిన ప్రప్రథమ కార్యక్రమం ఇది. వీ-హబ్ సాంకేతికలో అభివృద్ధి చెందుతోన్న రంగాలపై ఫోకస్ చేసే వినూత్న ఆలోచనలు, పరిష్కారాలతో ఉన్న మహిళా పారిశ్రామికవేత్తలకు మద్దతు ఇవ్వాలని లక్ష్యంగా పెట్టుకుంది. వీ-హబ్ ప్రధాన లక్ష్యం మహిళలకు ఆర్థికంగా, సామాజికంగా ఉన్న అడ్డంకులను తొలగించి, వ్యాపారంలో విజయం సాధించడంలో సాయపడటం. దేశవ్యాప్తంగా ఉన్న మహిళలు నిర్వహించే స్టార్టప్‌లకు ఇది వన్ స్టాప్ డెస్టినేషన్‌గా ఉంటోంది. తెలంగాణలో, భారత్‌లోనే కాక గ్లోబల్ మార్కెట్‌పై మహిళా వ్యాపారవేత్తలు ఎదిగేలా వీ-హబ్ సహకరిస్తుంది.

వీ-హబ్ పూర్తి వివరాలు..

ఆవిష్కరణ తేదీ : 2018 మార్చి 8

ప్రధాన లక్ష్యం : మహిళా వ్యాపారవేత్తలకు ఆర్థికంగా, సామాజికంగా ఉన్న అడ్డంకులను తొలగించడం, ప్రోత్సహించడం

అధికారిక వెబ్‌సైట్ : https://wehub. telangana.gov.in/

మహిళా వ్యాపారవేత్తలను ఎలా ప్రమోట్ చేస్తారు?

• మహిళలు వ్యాపారవేత్తలుగా మారేందుకు ప్రభుత్వ సంస్థలు, ఇండస్ట్రీలు, విద్యాసంస్థలు, కార్పొరేట్లతో కోలాబరేట్ అయి పనిచేసే అవకాశం కల్పించడం
• నిధులు అందించడం, మెంటరింగ్ సపోర్టు అందివ్వడం ద్వారా మహిళా వ్యాపారవేత్తల స్టార్టప్‌ల అభివృద్ధికి రాష్ట్ర ప్రభుత్వం పాటుపడుతోంది. అంతేకాక మహిళా వ్యాపారావేత్తలలో సాధికారత తీసుకువస్తోంది
• విధాన కార్యాచరణ, పరిశోధన ద్వారా ప్రభుత్వ పథకాల యాక్సెస్‌ను వారికి కల్పించడం
• స్టార్టప్‌లను ఇంక్యుబేట్ చేయడంతో పాటు వాటి గ్రోత్‌కు అవసరమైన నిధులు సమకూర్చేందుకు కూడా ప్రభుత్వం టీ-ఫండ్ పేరుతో వెంచర్ క్యాపిటల్ నిధిని కల్పించింది. ఈ నిధి ద్వారా వీ-హబ్ ఇప్పటికే పలు స్టార్టప్‌లకు పెట్టుబడి సాయం చేసింది.
• మహిళల నేతృత్వంలోని అన్ని రకాల స్టార్టప్‌లకు ఇది సహాయ సహకారాలను అందిస్తోంది. వీ-హబ్‌కు దరఖాస్తు చేసుకునేందుకు website http://wehub. telangana.gov.in/ వెళ్లాల్సి ఉంటుంది.

వీ-హబ్ కేవలం మహిళా వ్యాపారవేత్తలను ప్రోత్సహించడమే కాకుండా.. పురుషులకు, మహిళలకు మధ్య సమాన ప్రపంచాన్ని ఏర్పాటు చేస్తోంది. లాక్ డౌన్ కాలంలో రూ.35 కోట్ల విలువైన క్రెడిట్ లింకేజీలను నిర్వహించింది. అంతేకాక వీహబ్ ప్రారంభమైనప్పటి నుంచి మహిళా వ్యాపారవేత్తలకు పెద్ద మొత్తంలో మార్కెట్ యాక్సస్‌, పెట్టుబడులు లభించాయి.

గ్రామాల్లో మహిళా వ్యాపారవేత్తలను ప్రోత్సహించేందుకు వీ-హబ్ తన తొలి ఫ్లాగ్‌షిప్ రూరల్ ఇంక్యుబేషన్ ప్రొగ్రామ్‌ను లాంచ్ చేసింది. ముఖ్యంగా తయారీ, టెక్స్‌టైల్స్, హ్యాండ్‌లూమ్స్, ఎఫ్‌ఎంసీజీ, ఫుడ్ ప్రాసెసింగ్, హ్యాండిక్రాఫ్ట్స్ వంటి ఐదు ముఖ్యమైన రంగాలలో 50 మహిళా ఎంట్రప్రెన్యూర్లకు ఇంక్యుబేట్ చేస్తోంది. దీని కోసం అప్లికేషన్ ప్రాసెస్‌ను కూడా ప్రారంభించింది. టైర్ 2, 3 రీజన్లలో సంస్థలను మరింత ప్రోత్సహించేందుకు రూరల్ ఇంక్యుబేషన్ ప్రోగ్రామ్ పనిచేస్తుందని వీహబ్ సీఈవో దీప్తి రావుల చెప్పారు. ఇలా స్టార్టప్‌ కంపెనీలకు వీ-హబ్ పలు ఇంక్యుబేషన్ ప్రొగ్రామ్‌లను చేపడుతోంది. వీ-హబ్ ఇప్పటి వరకు మహిళలు నిర్వహించే 4527 స్టార్టప్‌లకు సపోర్టు ఇచ్చింది.

---

Who is eligible to apply to WE HUB?
Any women led startups is eligible. Any startup which has a women holding 51% stake holding pattern in a company is considered as women-led startup.

How are the applicants selected for the program at WE HUB
Applicants will be invited for a pitch day, where the jury consists of representatives from partner organizations to evaluate pitches. Selected applicants will be notified via email with further steps.

Do we need to have the entire idea fully working?
The entire idea need not be fully implemented however, the submission should be functional so that it can be reviewed by the judges.

How can I apply to WE HUB’s incubation program?
Please follow this link for the application form if you are eligible to apply. Upon review of your application, you will be hearing from us on further steps.

How does WE HUB help with funding?
WE HUB actively helps startups with credit linkages and helps identify schemes/subsidies that startups can operationalize.

Will mentors be provided to each team?
Yes, mentors will be provided for every team.

We-Hub Innovation Impact

Created Jobs : 2,823

Startups Supported : 1,495

Startups Incubated : 2,194

Partner Connets : 53

Startup Programs : 21

Funding Raised (in crores) : 66.3

Entrepreneurs Engaged so far : 5,235

Service Providers : 50

---

పై అంశానికి సంబంధించి ఏవైనా సందేహాలు ఉంటే దయచేసి క్రింద ఉన్న కామెంట్ బాక్స్ ద్వారా మాకు తెలియజేయండి.

Harish Rao: బడ్జెట్‌లో ఎస్సీ, ఎస్టీలకు ప్రత్యేక నిధి.. విదేశీ విద్యకు సాయం

Telangana Budget 2023: తెలంగాణ బడ్జెట్‌లో ఎస్సీ , ఎస్టీలకు భారీగా నిధులు కేటాయించారు. ఎస్సీ ప్రత్యేక నిధి రూ. 36,750 కోట్లు, ఎస్టీ ప్రత్యేక నిధి కోసం రూ. 15,233 కోట్లు కేటాయించారు.

ప్రధానాంశాలు:

ఎస్సీ, ఎస్టీలకు గుడ్ న్యూ్స

బడ్జెట్‌‌లో ప్రత్యేక నిధి ఏర్పాటు

భారీగా కేటాయింపు

Telangana Budget 2023: తమ ప్రభుత్వం ఎస్సీ ఎస్టీల అభ్యున్నతికి పాటుపడుతుందని తెలంగాణ ఆర్థిక మంత్రి హరీశ్ రావున్న అన్నారు. అసెంబ్లీలో బడ్జెట్ ప్రవేశ పెట్టిన ఆయన.. ఎస్సీ, ఎస్టీలకు గుడ్ న్యూస్ చెప్పారు. ప్రత్యేక నిధి ద్వారా భారీగా కేటాయింపులు చేశారు. ఎస్సీ ప్రత్యేక నిధి రూ. 36,750 కోట్లు, ఎస్టీ ప్రత్యేక నిధి కోసం రూ. 15,233 కోట్లు కేటాయించారు. గిరిజనులకు విద్యా, ఉద్యోగాల్లో 10 శాతం రిజర్వేషన్లు కల్పించినట్లు తెలిపారు. తండాలను గ్రామ పంచాయతీలుగా మార్చి వారికి పాలన చేరువ చేశామన్నారు. అంబేడ్కర్ ఓవర్సీస్ స్కాలర్ షిప్ ద్వారా ఎస్సీ బిడ్డలకు రూ. 20 లక్షల వరకు విదేశీ విద్యకు సాయం చేస్తున్నామన్నారు.

ఇక దళితబంధు పథకానికి బడ్జెట్‌లో రూ. 17,700 కోట్లు కేటాయించారు. చరిత్రలో మునుపెన్నడూ లేని విధంగా తెలంగాణ ప్రభుత్వం ప్రతి దళిత కటుంటానికి రూ. 10 లక్షల ఆర్థిక సాయం అందిస్తుందని హరీశ్ రావు అన్నారు. దళితులు వ్యాపార రంగంలో ఎదగాలనే సంకల్పంతో ప్రభుత్వ లైసెన్సుల ద్వారా చేసుకునే లాభదాయక వ్యాపారాల్లో రిజర్వేషన్లు అమలు చేస్తున్నట్లు చెప్పారు. దళితుల గృహ అవసరాల కోసం 101 యూనిట్ల వరకు ఉచిత విద్యుత్‌ను అందిస్తున్నట్లు హరీశ్ రావు వెల్లడించారు. ఎస్సీ, ఎస్టీలకు ఉద్దేశించిన నిధులు ఇతర పథకాలకు మళ్లించకుండా రక్షణ కల్పిస్తున్నట్లు చెప్పారు.

2023-24 ఆర్థిక సంవత్సరానికి గానూ మెుత్తం 2,90,396 కోట్లతో బడ్జెట్‌ను రూపొందించారు. మూలధన వ్యయం 2,11,685 కోట్లు కాగా.. పెట్టుబడి వ్యయం 37,525 కోట్లు. కరోనా, ఆర్థిక మాధ్యం వంటి సంక్షోభాలను తట్టుకొని రాష్ట్రం నిలబడిందని ఈ సందర్భంగా ఆర్థిక మంత్రి హరీశ్ రావు అన్నారు.

---

పై అంశానికి సంబంధించి ఏవైనా సందేహాలు ఉంటే దయచేసి క్రింద ఉన్న కామెంట్ బాక్స్ ద్వారా మాకు తెలియజేయండి.

Telangana Budget: బడ్జెట్‌లో రైతులకు తెలంగాణ ప్రభుత్వం గుడ్ న్యూస్ తెలిపింది. రుణమాఫీ పథకానికి భారీగా నిధులు కేటాయించింది. అలాగే వ్యవసాయ రంగంతో పాటు రైతు బీమా, రైతు బంధు పథకానికి భారీగా కేటాయింపులు జరిపింది. రూ.లక్షలోపు రుణాలను మాఫీ చేస్తామంటూ గత ఎన్నికల్లో టీఆర్ఎస్ హామీ ఇచ్చింది. ఆ హామీ అమల్లో భాగంగా కొంతమంది రైతులకు మాత్రమే రుణమాఫీ చేశారు. బడ్జెట్‌లో నిధులు కేటాయించడంతో.. రూ.లక్షలోపు రుణాలన్నీ మాఫీ కానున్నాయి.

ప్రధానాంశాలు:

• బడ్జెట్‌లో రైతులకు భారీగా నిధులు
• రుణమాఫీ పథకానికి రూ.6,385 కోట్లు
• రైతుబీమాకు రూ.1,589 కోట్లు

Telangana Budget: తెలంగాణ బడ్జెట్‌లో వివిధ సంక్షేమ, అభివృద్ధి పథకాలకు భారీగా కేటాయింపులు జరిపారు. ముఖ్యంగా రైతుల సంక్షేమ పథకాలకు కేసీఆర్ సర్కార్ భారీగా నిధులు కేటాయించింది. రైతు బీమా పథకానికి రూ.1,589 కోట్లు, రైతు బంధు పథకానికి రూ.1,575 కోట్లు, రుణమాఫీ పథకానికి రూ.6,385 కోట్లు, వ్యవశాయ శాఖకు రూ.26,831 కోట్లు కేటాయించారు. ఆసరా ఫించన్ల కోసం రూ. 12,000 కోట్లు ,దళిత బంధుకు రూ. 17,700 కోట్లు, డబుల్ బెడ్ రూం ఇళ్ల పథకానికి రూ.12 వేల కోట్లు, ఆరోగ్య శ్రీ పథకానికి రూ.1,1463 కోట్లు కేటాయించారు.

వడ్డీ లేని రుణాల కోసం రూ.1500 కోట్లు, ప్రత్యేక అభివృద్ధి నిధి కోసం రూ.10,348 కోట్లు బడ్జెట్‌లో కేటాయించారు. ఆయిల్ పామ్ సాగు కోసం రూ.వెయ్యి కోట్లు, ప్రజాపంపిణీ వ్యవస్థ కోసం రూ.3,117 కోట్లు నిధులు కేటాయించారు. పంజాయతీ రాజ్ శాఖ కోసం రూ.31,426 కోట్లు, పురపాలక శాఖ కోసం రూ.11,372 కోట్లు, అటవీశాఖ, హరితహారం కోసం రూ.1,471 కోట్లు, రోడ్లు, భవనాల మరమ్మతుల కోసం రూ.2,500 కోట్లు కేటాయించారు.

గత ఎన్నికల్లో రూ.లక్షలోపు రుణాలు మాఫీ చేస్తామని టీఆర్ఎస్ హామీ ఇచ్చింది. కానీ ఇప్పటివరకు రూ.50 వేలలోపు వ్యవసాయ రుణాలు మాత్రమే మాఫీ చేశారు. రూ.లక్షలోపు రుణం తీసుకున్నవారికి ఎప్పుడు రుణ మాఫీ చేస్తారనే దాని కోసం రైతులు ఎదురుచూస్తున్నారు. గత బడ్జెట్‌లో రూ.50 వేలలోపు వ్యవసాయ రుణాల మాఫీకి బడ్జెట్‌లో నిధులు కేటాయించగా.. ఈ సారి రూ.లక్షలోపు రుణాలన్నీ మాఫీ చేసేందుకు తెలంగాణ ప్రభుత్వం బడ్జెట్‌లో నిధులు కేటాయించింది. ఇక రైతుబీమా పథకం అమలు చేయడం లేదనే విమర్శలు ప్రతిపక్షాల నుంచి విమర్శిస్తున్నాయి. దీంతో రైతు బీమాకు కూడా ప్రభుత్వం భారీగా కేటాయింపులు జరిగింది. వ్యవసాయ రంగానికి కూడా భారీగా నిధులు కేటాయించడంపై రైతులు హర్షం వ్యక్తం చేస్తున్నారు. అసెంబ్లీ ఎన్నికల నేపథ్యంలో రైతు సంక్షేమానికి రాష్ట్ర ప్రభుత్వం భారీగా నిధులు కేటాయించడం గమనార్హం.

---

పై అంశానికి సంబంధించి ఏవైనా సందేహాలు ఉంటే దయచేసి క్రింద ఉన్న కామెంట్ బాక్స్ ద్వారా మాకు తెలియజేయండి.