బడ్జెట్ ప్రసంగంలో ఆర్థిక మంత్రి సీనియర్ సిటిజన్స్‌కు గుడ్‌న్యూస్ చెప్పారు. సీనియర్ సిటిజన్ సేవింగ్స్ స్కీమ్ (SCSS) డిపాజిట్ లిమిట్‌ను రూ.30 లక్షలకు పెంచుతున్నట్లు ప్రకటించారు. దీంతో వివిధ బ్యాంకులు టర్మ్ డిపాజిట్లపై అధిక రేట్లను ఆఫర్ చేస్తూ సీనియర్ సిటిజన్స్‌ను ఆకర్షించడానికి ప్రయత్నిస్తున్నాయి.

FD Rates Hike Lucky Chance For Senior Citizens With Increase In SCSS Limit Banks Hiked FD Rates Know Details Here

ఇటీవల కేంద్ర ప్రభుత్వం బడ్జెట్-2023ను ప్రవేశ పెట్టిన సంగతి తెలిసిందే. బడ్జెట్ ప్రసంగంలో ఆర్థిక మంత్రి సీనియర్ సిటిజన్స్‌కు గుడ్‌న్యూస్ చెప్పారు. సీనియర్ సిటిజన్ సేవింగ్స్ స్కీమ్ (SCSS) డిపాజిట్ లిమిట్‌ను రూ.30 లక్షలకు పెంచుతున్నట్లు ప్రకటించారు.

దీంతో వివిధ బ్యాంకులు టర్మ్ డిపాజిట్లపై అధిక రేట్లను ఆఫర్ చేస్తూ సీనియర్ సిటిజన్స్‌ను ఆకర్షించడానికి ప్రయత్నిస్తున్నాయి. ఆర్బీఐ కీలక రెపో రేటు‌ను వరుసగా పెంచుతుండడం కూడా బ్యాంకులకు కలిసి వస్తోంది. బడ్జెట్ అనంతరం సీనియర్ సిటిజన్స్ కోసం ఫిక్స్‌డ్ డిపాజిట్లపై వడ్డీ రేట్లు పెంచిన బ్యాంకుల వివరాలను ఇప్పుడు పరిశీలిద్దాం.

సెంట్రల్ బ్యాంక్ ఆఫ్ ఇండియా..

ఈ బ్యాంక్ సీనియర్ సిటిజన్స్‌ను ఆకర్షించేలా వివిధ కాలపరిమితి ఎఫ్ డీలపై వడ్డీరేట్‌ను పెంచింది. 1-2 ఏళ్ల కాలపరిమితి తో కూడిన రూ. 2 కోట్ల కంటే తక్కువ నాన్-కాలబుల్ డిపాజిట్లపై తాజాగా 7.25% వడ్డీని ఆఫర్ చేస్తోంది. 444 రోజుల స్పెషల్ కాలబుల్ డిపాజిట్‌పై 7.85%, నాన్ – కాలబుల్ డిపాజిట్లపై 8.1% వడ్డీని సీనియర్ సిటిజన్స్ కోసం తాజాగా ఆఫర్ చేస్తోంది. తాజా వడ్డీ రేట్లు ఫిబ్రవరి 10 నుంచి అమల్లోకి వచ్చాయి.

* ఎస్‌బీఐ

దిగ్గజ ప్రభుత్వరంగ బ్యాంక్ ఎస్‌బీఐ సీనియర్ సిటిజన్స్ కోసం కొత్త ఎఫ్‌డీ పథకాన్ని ప్రకటించింది. ఎస్‌బీఐ అమృత కలాష్ పేరుతో కొత్త కాలపరిమితి డిపాజిట్ స్కీమ్‌ను తీసుకొచ్చింది. 400 రోజుల కాలపరిమితితో కూడిన ఈ డిపాజిట్ ద్వారా సీనియర్ సిటిజన్స్ 7.6శాతం వడ్డీని పొందనున్నారు.

* యూనిటీ స్మాల్ ఫైనాన్స్ బ్యాంక్ ..

ఈ బ్యాంక్ సీనియర్ సిటిజన్స్‌కు 1001రోజుల డిపాజిట్లపై 9.5% వరకు వడ్డీని తాజాగా ఆఫర్ చేస్తోంది. 501 రోజులు, 181-201 రోజుల కాలపరిమితి ఎఫ్‌డీలపై 9.25% వడ్డీని అందిస్తోంది.

* జన స్మాల్ ఫైనాన్స్ బ్యాంక్

జన స్మాల్ ఫైనాన్స్ బ్యాంక్ సైతం సీనియర్ సిటిజన్స్ కోసం ఎంపిక చేసిన కొన్ని ఎఫ్‌డీలపై వడ్డీ రేటును పెంచింది. 2-3 ఏళ్ల కాలపరిమితి ఫిక్స్‌డ్ డిపాజిట్‌పై సీనియర్ సిటిజన్స్‌కు తాజాగా 8.8% వరకు వడ్డీని ఆఫర్ చేస్తోంది. ఇక, 3-5 ఏళ్ల టెన్యూర్ డిపాజిట్లపై 8.05%, 1-2 సంవత్సరాల డిపాజిట్లపై 8.2% వడ్డీని తాజాగా అందిస్తోంది.

బంధన్ బ్యాంక్ ..

ఈ బ్యాంక్ తాజాగా సీనియర్ సిటిజన్స్ కోసం ఎంపిక చేసిన వివిధ కాలపరిమితి ఎఫ్‌డీలపై వడ్డీరేటును పెంచింది. 600 రోజుల డిపాజిట్ పై సీనియర్ సిటిజన్స్‌కు తాజాగా 8.5% వరకు వడ్డీని ఆఫర్ చేస్తోంది. 3-5 సంవత్సరాల కాలపరిమితి డిపాజిట్లపై 7.5% వడ్డీని అందిస్తోంది.

ఏది బెటర్ అంటే?
కేంద్ర ప్రభుత్వం తాజా బడ్జెట్‌లో సీనియర్ సిటిజన్ సేవింగ్స్ స్కీమ్‌ ద్వారా సీనియర్ సిటిజన్స్‌కు అనేక ప్రయోజనాలను కల్పించింది. దీంతో ఫిక్స్‌డ్ డిపాజిట్లతో పోల్చితే ఇది మరింత మెరుగైంది. ప్రస్తుతం, ఎస్‌సీఎస్‌ఎస్ వడ్డీ రేటు 8%గా ఉంది. అంతేకాకుండా, SCSS ఖాతా పెట్టుబడులకు గ్యారెంటీ ఉంటుంది. అదే FD విషయంలో కేవలం రూ.5 లక్షల వరకు మాత్రమే హామీ ఉంటుంది. SCSSలో పెట్టుబడికి ఆదాయ పన్ను సెక్షన్ 80C కింద పన్ను ప్రయోజనాలు సైతం ఉంటాయి.

SBI Loan | మహిళలకు శుభవార్త. స్టేట్ బ్యాంక్ ఆఫ్ ఇండియా (SBI) రూ.20 లక్షల వరకు లోన్ ఇస్తోంది. మార్చి 31 లోపు అప్లై చేయాలి. పూర్తి వివరాలు తెలుసుకోండి.

GOOD NEWS FOR WOMEN STATE BANK OF INDIA SHG SAMOOH SHAKTI CAMPAIGN OFFERS UP TO RS 10 LAKHS COLLATERAL FREE LOAN

1. స్టేట్ బ్యాంక్ ఆఫ్ ఇండియా (SBI) స్వయం సహాయక బృందాలకు (SHGs) పూచీకత్తు లేకుండా రుణాలను అందిస్తోంది. ఎస్‌హెచ్‌జీ సమూహ్ శక్తి క్యాంపైన్‌లో భాగంగా స్వయం సహాయక బృందాలకు రూ.10 లక్షల వరకు లోన్స్ ఇస్తోంది. ఆకర్షణీయమైన వడ్డీ రేట్లకే రుణాలు అందిస్తోంది ఎస్‌బీఐ.

2. భారతదేశంలోనే అతిపెద్ద ప్రభుత్వ రంగ బ్యాంక్ అయిన ఎస్‌బీఐ 2022 అక్టోబర్ 1న ఎస్‌హెచ్‌జీ ప్రోగ్రామ్‌ను ప్రారంభించింది. ఎస్‌హెచ్‌జీ-క్రెడిట్ లింకేజీ ప్రోగ్రామ్ 1992 లో ప్రారంభమైంది. నేషనల్ బ్యాంక్ ఫర్ అగ్రికల్చర్ అండ్ రూరల్ డెవలప‌మెంట్ (NABARD) ప్రాజెక్ట్‌లో భాగంగా ఈ ప్రోగ్రామ్ ప్రారంభమైంది. ఈ కార్యక్రమంలో ఎస్‌బీఐ యాక్టీవ్‌గా పాల్గొంటోంది.

3. ఎస్‌బీఐ ఎస్‌హెచ్‌జీ సమూహ్ శక్తి ప్రోగ్రామ్‌లో భాగంగా అన్ని జిల్లాల్లోని మహిళా గ్రామీణ బృందాలు 7 శాతం వడ్డీతో రూ.3 లక్షల వరకు రుణాలు తీసుకోవచ్చు. రూ.3 లక్షల నుంచి రూ.5 లక్షల వరకు రుణాలు తీసుకునే వారికి ఒక ఏడాది మార్జినల్ కాస్ట్ ఆఫ్ ఫండ్స్ బేస్డ్ లెండింగ్ రేట్ (MCLR) వర్తిస్తుంది.

4. ఇక రూ.5 లక్షల పైన రుణాలకు 9 శాతం వడ్డీ వర్తిస్తుంది. స్వయం సహాయక సంఘాలకు రూ.10.00 లక్షల పరిమితి వరకు ఎటువంటి పూచీకత్తు, మార్జిన్ లేకుండా లోన్స్ ఇస్తోంది ఎస్‌బీఐ. రుణాలు మంజూరు చేసేందుకు డిపాజిట్లు చేయాలని ఒత్తిడి చేయదు బ్యాంకు. ఇక అన్ని జిల్లాల్లోని మహిళా గ్రామీణ బృందాలు రూ.10 లక్షల నుంచి రూ.20 లక్షల మధ్య రుణాలు తీసుకుంటే క్రెడిట్ గ్యారెంటీ ఫండ్ ఫర్ మైక్రో యూనిట్స్ (CGFMU) కవరేజీ లభిస్తుంది.

5. ఎస్‌బీఐ 2022 మార్చి 31 వరకు 8.71 స్వయం సహాయక బృందాలకు రూ.24,023 కోట్ల రుణాలను మంజూరు చేసింది. ఈ రుణాలు తీసుకున్నవారిలో 91 శాతం మహిళలే కావడం విశేషం. 2022 మార్చి నాటికి ప్రభుత్వ రంగ బ్యాంకులు ఇస్తున్న ఎస్‌హెచ్‌జీ రుణాల్లో 25.25 శాతం వాటా ఎస్‌బీఐది కావడం విశేషం.

6. స్వయం సహాయక బృందాలకు వారి మొత్తం క్రెడిట్ అవసరాలను తీర్చడానికి బ్యాంకు ఈ రుణాలను అందిస్తుంది. వీటిలో ఆదాయ పెంచే కార్యకలాపాలు, విద్య, గృహనిర్మాణం, పెళ్లి, రుణ మార్పిడి లాంటి సామాజిక అవసరాలు ఉన్నాయి.

7. ఎస్‌బీఐ ఎస్‌హెచ్‌జీలకు టర్మ్ లోన్‌లు, క్యాష్ క్రెడిట్ లిమిట్స్ రెండింటినీ ఇస్తుండటం విశేషం. ఎస్‌బీఐ స్వయం సహాయక బృందాలకు మరిన్ని కార్యక్రమాలను నిర్వహిస్తోంది. గ్రామీణ, సెమీ అర్బన్ శాఖలలో పనిచేసే సిబ్బందికి అవగాహన కల్పిస్తోంది.

MCLR | బ్యాంకులు వరసపెట్టి కస్టమర్లకు ఝలక్ ఇస్తున్నాయి. ఇప్పటికే చాలా బ్యాంకులు కస్టమర్లకు షాకిచ్చాయి. దీంతో చాలా మందిపై ప్రతికూల ప్రభావం పడనుంది.

SBI, UNION BANK, BANK OF BARODA, PNB, IOB, RAISE MCLR BY UP TO 25 BPS

Loan EMI | ఆర్‌బీఐ రెపో రేటు పెంపుతో బ్యాంకులు వరుస పెట్టి కస్టమర్లకు ఝలక్ ఇస్తున్నాయి. ఇప్పటికే చాలా బ్యాంకులు రుణ రేట్లు పెంచేశాయి. రిజర్వు బ్యాంక్ రేటు పెంపు తర్వాత రుణ రేట్ల పెంపు గమనిస్తే.. ఇప్పటి వరకు కేవలం ప్రభుత్వ రంగ బ్యాంకులే రుణ రేట్లు పెంచాయని తెలుస్తోంది.

దేశంలోనే అతిపెద్ద బ్యాంక్‌గా కొనసాగుతూ వస్తున్న ఎస్‌బీఐ రుణ రేట్లను పెంచేసింది. ఫిబ్రవరి 15 నుంచి రుణ రేట్ల పెంపు అమలులోకి వచ్చింది. ఈ బ్యాంక్ మార్జినల్ కాస్ట్ ఆఫ్ ఫండ్స్ బేస్డ్ లెండింగ్ రేటు (ఎంసీఎల్ఆర్)ను 10 బేసిస్ పాయింట్లు పెంచేసింది.

ఓవర్ నైట్ ఎంసీఎల్ఆర్ 7.95 శాతానికి చేరింది. నెల రోజుల ఎంసీఎల్ఆర్, ఆరు నెలల ఎంసీఎల్ఆర్ 8.1 శాతానికి పెరిగింది. ఏడాది ఎంసీఎల్ఆర్ రేటు 8.5 శాతానికి చేరింది. రెండేళ్ల ఎంసీఎల్ఆర్ 8.6 శాతానికి, మూడేళ్ల ఎంసీఎల్ఆర్ 8.7 శాతానికి పెరిగాయి.

ప్రభుత్వ రంగానికి చెందిన యూనియన్ బ్యాంక్ ఆఫ్ ఇండియా కూడా ఎంసీఎల్ఆర్ రేటు పెంచింది. 25 బేసిస్ పాయింట్ల మేర రేటు పెరిగింది. ఫిబ్రవరి 11 నుంచి ఈ రేటు అమలులోకి వచ్చింది. దీంతో బ్యాంక్ ఏడాది ఎంసీఎల్ఆర్ రేటు 8.65 శాతానికి చేరింది.

అలాగే మరో బ్యాంక్ ఆఫ్ బరోడా కూడా ఎంసీఎల్ఆర్ రేటు పెంచేసింది. ఈ బ్యాంక్ ఎంసీఎల్ఆర్ రేటు 5 బేసిస్ పాయింట్లు పెరిగిందని చెప్పుకోవచ్చు. ఫిబ్రవరి 12 నుంచి ఈ రేటు పెంపు అమలులోకి వచ్చింది. ఏడాది ఎంసీఎల్ఆర్ రేటు 8.55 శాతానికి ఎగసింది.

ఇంకా ఇండియన్ ఓవర్సీస్ బ్యాంక్ కూడా రుణ రేట్లు పెంచుతూ నిర్ణయం తీసుకుంది. ఈ బ్యాంక్ ఎంసీఎల్ఆర్ రేటును 15 బేసిస్ పాయింట్ల మేర పెంచింది. దీంతో ఈ బ్యాంక్ ఏడాది ఎంసీఎల్ఆర్ రేటు 8.45 శాతానికి ఎగసింది.

అలాగే యూకో బ్యాంక్ కూడా ఎంసీఎల్ఆర్ రేటును పెంచేసింది. ఇంకా సెంట్రల్ బ్యాంక్ ఆఫ్ ఇండియా కూడా రుణ రేట్లు పెంచేసింది. అలాగే మరో ప్రభుత్వ రంగ బ్యాంక్ పంజాబ్ నేషనల్ బ్యాంక్ కూడా రుణ రేట్లు పెంచుతున్నట్లు ప్రకటించింది.

బ్యాంకులు రుణ రేట్లు పెంచడం వల్ల రుణ గ్రహీతలపై ప్రతికూల ప్రభావం పడుతుంది. ఇప్పటికే లోన్ తీసుకొని ఉంటే నెలవారీ ఈఎంఐలు పైకి చేరుతాయి. అదే కొత్తగా లోన్ పొందాలంటే అధిక వడ్డీ రేటు చెల్లించుకోవాలి.

ఆర్‌బీఐ ఈ నెలలో జరిగి పాలసీ సమీక్షలో రెపు రేటును పావు శాతం మేర పెంచేసింది. దీంతో రెపో రేటు 6.5 శాతానికి చేరింది. గత ఏడాది మే నెల నుంచి రెపో రేటు 250 బేసిస్ పాయింట్ల మేర పైకి కదిలిందని చెప్పుకోవచ్చు. ద్రవ్యోల్బణాన్ని కట్టడి చేయడానికి ఆర్‌బీఐ ఈ నిర్ణయం తీసుకుంది.

Increase in Savings Account Interest Rates | High interest if Money in Bank Account : భారతీయ రిజర్వ్ బ్యాంక్ ఇటీవల రెపో రేటును పెంచిన నేపథ్యంలో దీనితో అనుసంధానమై ఉన్న ఇతర వడ్డీ రేట్లను మారుస్తున్నాయి బ్యాంకులు. దీంతో పలు రకాల లోన్లపై వడ్డీ రేట్లు పెరుగుతుండగా.. ఇప్పుడు ఒక బ్యాంక్ సేవింగ్స్ అకౌంట్ వడ్డీ రేట్లను పెంచింది.

Federal Bank: ఈ రోజుల్లో డబ్బులు దాచుకునేందుకు ఎన్నో మార్గాలు ఉన్నాయి. ఎక్కువగా ఇన్వెస్ట్‌మెంట్లు చేయడం సహా.. ప్రభుత్వ పథకాల్లో పెట్టుబడులు పెడుతుంటారు. ఇంకా బ్యాంకుల్లో ఫిక్స్‌డ్ డిపాజిట్ల రూపంలో దాచుకుంటుంటారు. పోస్టాఫీస్ పథకాలు కూడా ఉన్నాయి. వీటిల్లో డబ్బులను బట్టి వడ్డీ వస్తుందన్న విషయం తెలిసిందే. అయితే బ్యాంక్ సేవింగ్స్ అకౌంట్లలో (Bank Savings Account) డబ్బులున్నా వడ్డీ వస్తుందన్న విషయం మీలో ఎంత మందికి తెలుసు. చాలా మందికి ఈ విషయం గురించి అవగాహన లేకపోవచ్చు. కానీ బ్యాంక్ ఖాతాలో డబ్బులు ఉన్నా.. వడ్డీని జమ చేస్తుంటాయి బ్యాాంకులు. ఇది ప్రతి 3 నెలలు, 6 నెలలు, సంవత్సరానికి ఒకసారి జమచేస్తుంటాయి. ఇది బ్యాంకులను బట్టి మారుతుంటుంది. ఇక చాలా వరకు రోజువారీ ముగింపు బ్యాలెన్స్‌ను బట్టి సేవింగ్స్ అకౌంట్లపై వడ్డీ రేటును ఆఫర్ చేస్తుంటాయి బ్యాంకులు.

ఇటీవల రిజర్వ్ బ్యాంక్ రెపో రేటును పెంచింది. దీంతో.. పలు బ్యాంకులు లోన్లపై ఇంట్రెస్ట్ రేట్లను (Loan Interest Rates) పెంచుతున్నాయి. బ్యాంక్ ఆఫ్ బరోడా, కెనరా బ్యాంక్, పంజాబ్ నేషనల్ బ్యాంక్, యూనియన్ బ్యాంకులు ఇప్పటికే వడ్డీ రేట్లను పెంచుతున్నట్లు ప్రకటించాయి. ఇప్పుడు ఒక బ్యాంకు మాత్రం సేవింగ్స్ అకౌంట్ వడ్డీ రేట్లను సవరించింది. రిజర్వ్ బ్యాంక్ రెపో రేటుకు అనుగుణంగా మార్చుతున్నట్లు ప్రకటించింది. ఇది ఫిబ్రవరి 9 నుంచి అమల్లోకి వచ్చింది. RBI తాజాగా 25 బేసిస్ పాయింట్లు పెంచి.. రెపో రేటును 6.50 శాతానికి చేర్చింది.

ఈ నేపథ్యంలోనే సేవింగ్స్ బ్యాంక్ అకౌంట్ వడ్డీ రేట్లను సవరించినట్లు తెలిపింది ఫెడరల్ బ్యాంక్. ఇది రోజువారీ ముగింపు బ్యాలెన్స్ ఆధారంగా ప్రతి త్రైమాసికానికి ఒకసారి బ్యాంక్ అకౌంట్‌లో జమ చేయనున్నట్లు తన అధికారిక వెబ్‌సైట్లో వెల్లడించింది. ఇప్పుడు ఫెడరల్ బ్యాంక్ సేవింగ్స్ అకౌంట్ ఇంట్రెస్ట్ రేట్లు ఎలా ఉండనున్నాయో చూద్దాం.

బ్యాంక్ ఖాతాలో రూ. 5 లక్షల కంటే తక్కువగా ఉంటే.. RBI రెపో రేటు కంటే 3.45 శాతం తక్కువగా వడ్డీ ఆఫర్ చేస్తోంది ఫెడరల్ బ్యాంక్. అంటే ఈ లెక్కన 3.05 శాతం వడ్డీ అందుతుంది.

ఇక బ్యాంక్ బ్యాలెన్స్ రూ. 5 లక్షల నుంచి రూ.50 లక్షల మధ్య ఉంటే 3.10 శాతం వడ్డీ ఇస్తోంది.

సేవింగ్స్ ఖాతాలో నగదు రూ. 50 లక్షల నుంచి రూ. 2 కోట్లకు లోబడి ఉంటే.. RBI రెపో రేటు కంటే 2.75 శాతం తక్కువగా వడ్డీ ఇస్తుంది. అంటే ఈ లెక్కన 3.75 శాతం వడ్డీ అందుతుందన్నమాట.

ఇక రూ. 2 కోట్లకంటేపైన బ్యాంక్ బ్యాలెన్స్ ఉంటే.. 4 శాతం వడ్డీ అందిస్తుంది.

ఇక బ్యాంక్ సేవింగ్స్ ఖాతాలో బ్యాలెన్స్ రూ. 5 కోట్ల నుంచి రూ.50 కోట్లుగా ఉంటే.. వడ్డీ 5.50 శాతం మేర ఇస్తుంది ఫెడరల్ బ్యాంక్.

బ్యాంక్ అకౌంట్‌లో రూ. 50 కోట్లు అంతకంటే ఎక్కువగా ఉంటే.. అత్యధికంగా 6 శాతం వడ్డీ అందించనుంది.

---

పై అంశానికి సంబంధించి ఏవైనా సందేహాలు ఉంటే దయచేసి క్రింద ఉన్న కామెంట్ బాక్స్ ద్వారా మాకు తెలియజేయండి.

General Banking Officer Jobs Vacancy in Bank of India : ముంబయిలోని బ్యాంక్ ఆఫ్ ఇండియా దేశవ్యాప్తంగా BOI శాఖలలో ఖాళీగా ఉన్న ఉద్యోగాల భర్తీకి అర్హులైన అభ్యర్థుల నుంచి దరఖాస్తులు కోరుతోంది. ఇందులో భాగంగా క్రెడిట్ కార్డు ఆఫీసర్, ఐటి ఆఫీసర్ పోస్టులను భర్తీ చేయనున్నారు. స్త్రీ మరియు పురుష అభ్యర్థులందరూ ఆన్ లైన్ విధానం ద్వారా ఈ పోస్టులకు దరఖాస్తు చేసుకోవాల్సి ఉంటుంది. కేంద్ర సంస్థ కాబట్టి ఆంధ్రప్రదేశ్ మరియు తెలంగాణా వారిద్దరిద్దరూ అప్లై చేసుకొనే మరో మంచి అవకాశం. ఆశక్తి ఉన్నటువంటి అభ్యర్థులు క్రింద సమాచారాన్ని చదివి దరఖాస్తు చేసుకోగలరు.

BOI Job Vacancies 2023 :

క్రెడిట్ కార్డు ఆఫీసర్ (జనరల్ బ్యాంకింగ్) : 350

ఐటి ఆఫీసర్ (స్పెసిలిస్ట్ బ్యాంకింగ్) : 150

Bank of India Recruitment 2023 Eligibility :

విద్యార్హతలు :

• క్రెడిట్ కార్డు ఆఫీసర్ (జనరల్ బ్యాంకింగ్) – ఏదైనా డిగ్రీ
• ఐటి ఆఫీసర్ (స్పెసిలిస్ట్ బ్యాంకింగ్) – బియి లేదా బీటెక్ సంబంధిత విభాగంలో అనుభవం కలిగి ఉండాలి.

వయస్సు : BOI నోటిఫికేషన్ కు దరఖాస్తు చేయబోవు అభ్యర్థులు 20 నుండి 30 సంవత్సరాల లోపు వయస్సు కలిగి ఉండాలి.

• SC, ST వారికి – 5 సంవత్సరాలు
• OBC వారికి – 3 సంవత్సరాలు వయస్సులో సడలింపు కల్పించారు.

BOI Recruitment 2023 Apply Process :

అభ్యర్థులు ఆన్ లైన్ విధానం ద్వారా దరఖాస్తు చేసుకోవాల్సి ఉంటుంది.

అధికారిక వెబ్సైటు నుండి లేదా క్రింది ఇవ్వబడినటువంటి ఆన్ లైన్ అప్లై అనే లింక్ పై క్లిక్ చేసి దరఖాస్తు చేసుకోగలరు.

నోటిఫికేషన్ నందు పేర్కొన్న విధముగా అర్హత ప్రమాణాలను కలిగి ఉండాలి.

అవసరమైతే, దరఖాస్తు రుసుము చెల్లించండి.

సబ్ మీట్ చేసిన తరువాత భవిష్యత్తు అవసరాల కోసం అప్లికేషన్ను ప్రింట్ అవుట్ చేయండి.

ఇటీవలి ఫోటో, సంతకం, విద్యార్హత పత్రాలు, ఆధార్ కార్డు, అప్లై చేయనప్పుడు దగ్గర ఉంచండి.

దరఖాస్తు ఫీజు :

జనరల్ అభ్యర్థులకు రూ 850/- చెల్లించాలి.

ఎస్సీ, ఎస్టీ అభ్యర్థులకు రూ 175/- చెల్లించాలి.

ముఖ్యమైన తేదీలు :

దరఖా ప్రారంభ తేది : ఫిబ్రవరి 11, 2023

దరఖాస్తుకు చివరి తేది : ఫిబ్రవరి 25, 2023

ఎంపిక విధానం :

ఆన్‌ లైన్ రాత పరీక్ష

గ్రూప్ డిస్కషన్

ఇంటర్వ్యూ

డాక్యుమెంట్ వేరిఫికేషన్

మెడికల్ ఎక్జామినేషన్

Bank of India Recruitment 2023 Apply Online Links :

Click here to download Official Notification నోటిఫికేషన్

Click here to apply online (ఆన్ లైన్ అప్లై)

---

పై అంశానికి సంబంధించి ఏవైనా సందేహాలు ఉంటే దయచేసి క్రింద ఉన్న కామెంట్ బాక్స్ ద్వారా మాకు తెలియజేయండి.