bharathi, Author at Navaratnalu

RUNA MAFFI: తెలంగాణ రాష్ట్రం లో రుణమాఫీపై అయోమయం!

February 14, 2023 by bharathi

telangana-runa-maffi

రుణమాఫీ పథకం అమలుపై అంతా అయోమయం నెలకొంది. రాష్ట్ర ఆర్థిక శాఖ మంత్రి హరీశ్‌రావు, వ్యవసాయ శాఖ మంత్రి సింగిరెడ్డి నిరంజన్‌రెడ్డి చెబుతున్న లెక్కలకు.. వాస్తవ లెక్కలకు పొంతన కుదరడం లేదు. తాజా బడ్జెట్‌లో కేటాయించిన నిధులు రూ.90వేల వరకు ఉన్న రుణాల మాఫీకి సరిపోతాయని మంత్రులు చెబుతున్నారు.వారు చెప్పినట్లు ఈ నిధులే సరిపోతాయనుకున్నా… రూ.90 వేల నుంచి రూ.లక్ష కేటగిరీలో ఉన్న రైతుల పరిస్థితి ఏమిటనే ప్రశ్నలు తలెత్తుతున్నాయి. ఎన్నికల ఏడాది కావడంతో 2023-24 బడ్జెట్‌లో రుణమాఫీకి రూ.20వేల కోట్ల పైచిలుకు నిఽధులు కేటాయిస్తారని, నాలుగేళ్లుగా పెండింగ్‌ పడుతూ వస్తున్న రుణమాఫీ ప్రక్రియను పూర్తి చేస్తారని… రైతులతోపాటు వ్యవసాయ శాఖ అధికారులూ ఆశించారు. కానీ, తాజా బడ్జెట్‌లో రుణమాఫీకి రూ.6,385 కోట్లు కేటాయించిన విషయం విదితమే. ఈ నేపథ్యంలో రాష్ట్ర మంత్రుల ప్రకటనలు.. అటు రైతులతోపాటు ఇటు అధికారులనూ అయోమయానికి గురిచేస్తున్నాయి. సాధారణంగా పంట రుణాలకు సంబంధించి రూ.25వేల నుంచి రూ.లక్ష వరకు తీసుకునే రైతుల సంఖ్య చాలా ఎక్కువగా ఉంటుంది. ఇప్పటిదాకా రూ.37వేల వరకు రుణమాఫీ ప్రక్రియ పూర్తికాగా… లబ్ధిపొందిన రైతుల సంఖ్య 5,42,609 మాత్రమే.

ఇందుకోసం వెచ్చించింది కేవలం రూ.1,206 కోట్లే. వ్యవసాయశాఖ మంత్రి నిరంజన్‌రెడ్డి అసెంబ్లీలో వెల్లడించిన లెక్క ప్రకారమే… రుణమాఫీ పథకానికి రూ. 21,557 కోట్లు అవసరమవుతాయి. ఇందులో రూ. 1,206 కోట్లు మినహాయిస్తే ఇంకా రూ. 20,351 కోట్లు అవసరమవుతాయి. కానీ, ఈ బడ్జెట్‌లో రూ.6,385 కోట్లు మాత్రమే సర్కారు కేటాయించింది. వీటిని కూడా మినహాయిస్తే… ఇంకా రూ.13,966 కోట్లు తక్కువవుతాయి. అయితే, ఈ ఆర్థిక సంవత్సరం ఇంకా ముగిసిపోలేదని, గత బడ్జెట్‌(2022- 23)లో చేసిన కేటాయింపులు ఉన్నాయని ఆర్థికశాఖ మంత్రి హరీశ్‌రావు తాజాగా అసెంబ్లీలో ప్రకటించారు. అయితే, ఈ ఆర్థిక సంవత్సరం ముగిసేలోగా ఎన్ని నిధులు విడుదల చేస్తారన్నది ప్రశ్నార్థకంగా మారింది.

రూ.90వేల వరకే నిధుల సర్దుబాటు

రాష్ట్రంలో రుణమాఫీ ప్రక్రియ రూ.37వేల వద్దే నిలిచిపోయింది. రూ. 37వేల నుంచి రూ.50 వేల కేటగిరీలో ఉన్న రైతులకు రుణమాఫీ చేయడానికి రూ.వెయ్యి కోట్లకుపైగా అవసరమవుతాయని అధికారులు చెబుతున్నారు. అలాగే, రూ.50-75 వేల కేటగిరీలో ఉన్న రైతులకు రూ.4వేల కోట్లు అవసరమవుతాయి. మొత్తంగా రూ.5వేల కోట్ల వరకూ ఖర్చు పెడితే.. రూ.75వేల వరకు రుణమాఫీ ప్రక్రియ పూర్తవుతుంది. ఇదే జరిగితే కీలకమైన, రైతుల సంఖ్య ఎక్కువగా ఉండే నాలుగో కేటగిరీకి నిధులు ఎలా సరిపోతాయి? అసెంబ్లీలో మంత్రులు హరీశ్‌రావు, నిరంజన్‌రెడ్డిలు ప్రకటించినట్లు రూ.90వేల వరకు రుణమాఫీ పూర్తవుతుందా? అనే సందేహాలు వ్యక్తమవుతున్నాయి. వారు చెప్పినట్లు బడ్జెట్‌లో కేటాయించిన నిధులు రూ.90వేల వరకు తీసుకున్న రైతులకు రుణమాఫీ చేయడానికి సరిపోతాయనుకున్నా… రూ.90 వేల నుంచి రూ.లక్ష కేటగిరీలోని రైతుల సంగతేంటనే ప్రశ్నలు తలెత్తుతున్నాయి. ఈ ఏడాది చివరిలో ఎన్నికలు జరగనున్న నేపథ్యంలో రుణమాఫీ పూర్తి చేయకపోతే రైతుల నుంచి తీవ్ర వ్యతిరేకత వ్యక్తమవుతుందనడంలో సందేహం లేదు. చివరి కేటగిరీలో (రూ. 90 వేల నుంచి రూ.లక్ష వరకు) ఉండే రైతుల సంఖ్య చాలా ఎక్కువగా ఉంటుంది. గత టర్మ్‌లో రుణమాఫీ పొందిన రైతుల సంఖ్య 35.32 లక్షలు. ఆ లెక్కలనే పరిగణనలోకి తీసుకొని చూసినా… ఇప్పటికీ 30 లక్షల మంది రైతులు రుణమాఫీ కోసం ఎదురుచూస్తున్నారు.

రూ.37 వేల నుంచి రూ.90 వేల వరకు లెక్క తీస్తే… 5 లక్షల నుంచి 10 లక్షల మంది రైతులు ఉండే అవకాశాలున్నాయి. ఈ మేరకు చివరి కేటగిరీలో తక్కువలో తక్కువగా 20లక్షల మంది రైతులు మిగిలిపోతారు. అంటే సుమారుగా 50శాతం మందికి ఈ ఏడాది రుణమాఫీ సాధ్యం కాదు. ఇంత భారీ సంఖ్యలో ఉన్న రైతులకు రుణ మాఫీ పూర్తి చేయకపోతే పరిస్థితి ఏమిటన్న చర్చ సాగుతోంది. రుణమాఫీ పథకాన్ని నిర్ణీత వ్యవధిలో పూర్తి చేయకపోటంతో రైతులు చాలా ఇబ్బందులు పడుతున్నారు. ఇప్పటికే 16లక్షల మంది డిఫాల్టర్ల జాబితాలో ఉన్నారు. ఫలితంగా కొత్త రుణాలు తీసుకునే అవకాశం లేకుండా పోయింది.

కేటాయింపులు ఘనం.. విడుదల స్వల్పం

రుణమాఫీకి బడ్జెట్‌లో చేస్తున్న కేటాయింపులు, విడుదల చేస్తున్న నిధుల లెక్కలు పొంతన లేకుండా ఉన్నాయి. ఈ పథకానికి నాలుగేళ్లలో విడుదల చేసిన నిధులు రూ.1,206 కోట్లే. 2019- 20 లో రూ.4,528 కోట్లు కేటాయించినా… నయా పైసా విడుదల చేయలేదు. 2020-21 లో రూ.6,225 కోట్లు కేటాయించి… రూ.409కోట్లే ఇచ్చారు. 2021- 22లో రూ.5,225 కోట్లు కేటాయించి… రూ.354 కోట్లు విడుదల చేశారు. 2022- 23లో రూ.4వేల కోట్లు కేటాయించి… రూ.443 కోట్లు ఇచ్చారు. తాజా బడ్జెట్‌లో రూ.6,385 కోట్లు కేటాయించినా… ఏ మేరకు నిధులు విడుదల చేస్తారన్న సందేహాలు వ్యక్తమవుతున్నాయి. ఇప్పటివరకు ఉన్న లెక్కల ప్రకారం చూస్తే… రుణమాఫీని పూర్తి చేయడానికి రాష్ట్ర ప్రభుత్వం రూ.20,351 కోట్లు విడుదల చేయాల్సి ఉంటుంది.

పై అంశానికి సంబంధించి ఏవైనా సందేహాలు ఉంటే దయచేసి క్రింద ఉన్న కామెంట్ బాక్స్ ద్వారా మాకు తెలియజేయండి.

Income Tax: వార్షిక శాలరీ ఆదాయం రూ.10 లక్షలు ఉందా..? సున్నా ఆదాయపు పన్ను కట్టండిలా..

February 14, 2023 by bharathi

Income Tax: జీతం ఆదాయం పొందే ఉద్యోగులు తప్పనిసరిగా ఐటీఆర్ ఫైల్ చేయాల్సి ఉంటుంది. వారు కొత్త లేదా పాత టాక్స్ విధానాల్లో దేనిని పాటిస్తున్నప్పటికీ పన్ను చట్టాలలో వర్తించే తగ్గింపులు, శ్లాబ్ రేట్లకు అనుగుణంగా చెల్లించాల్సిన పన్నును గణిస్తారు.

income-tax-benefits

బడ్జెట్ 2023లో.. ఫైనాన్స్ బిల్లు 2023లో నిర్మలా సీతారామన్ ప్రజలు ఎంతో ఆసక్తిగా ఎదురుచూస్తున్న పన్ను మినహాయింపుపై పెద్ద ప్రకటన చేశారు. కొత్త టాక్స్ రీజిమ్ ప్రకారం గతంలో రూ.5 లక్షల వరకు ఉన్న పన్ను మినహాయింపును రూ.7 లక్షలకు పెంచారు. దేశంలో ఎక్కువ మందిని పన్ను విధానం పరిధిలోకి తీసుకొచ్చేందుకు కొత్త టాక్స్ విధానంలోని శ్లాబ్ రేట్లు పనిచేస్తాయని కేంద్ర ప్రభుత్వం భావించిన తరుణంలో ఈ ప్రకటన వచ్చిందని తెలుస్తోంది. పైగా శ్లాబ్ రేట్లలో గతం కంటే మరో రూ.50,000 అధికంగా మినహాయింపును ఆర్థిక మంత్రి నిర్మలా సీతారామన్ అందించారు.

సున్నా ఇన్కమ్ టాక్స్.. ఎవరైనా పన్ను చెల్లింపుదారుడు తగ్గింపులు పొందటానికి వారు తప్పకుండా పాత టాక్స్ విధానాన్నే ఫాలో అవ్వాల్సి ఉంటుంది. ఎందుకంటే కొత్త పన్ను విధానం ద్వారా ఎలాంటి తగ్గింపులను కేంద్రం అనుమతించటం లేదు. అందుకే పన్ను రేట్లు పాతదాని కంటే కొత్త దానిలో తక్కువగా ఉన్నాయి. వడ్డీ చెల్లింపుల నుంచి హెచ్ఆర్ఏ, సేవింగ్స్, సెక్షన్-80 డిడక్షన్స్ వంటి వాటిని వినియోగించుకుని ఏడాదికి రూ.10 లక్షల ఆదాయం కలిగిన ఎవరైనా పన్ను చెల్లింపుదారుడు సున్నా ఆదాయపుపన్ను చెల్లించవచ్చు.

లభించే తగ్గింపుల వివరాలు.. ఉదాహరణకు ఇక్కడ ఉద్యోగి వార్షిక స్థూల జీతం రూ.10 లక్షలు ఉన్నట్లు తీసుకోవటం జరిగింది. ముందుగా మెుత్తం ఆదాయంలో సెక్షన్ 16(ia) కింద స్టాండర్డ్ డిడక్షన్ రూ.50 వేలు లభిస్తుంది. దీని తర్వాత హౌసింగ్ లోన్‌పై చెల్లించిన వడ్డీ కింద గరిష్ఠంగా రూ.2 లక్షల తగ్గింపు లభిస్తుంది. ఈ రెండు తగ్గింపుల తర్వాత టాక్స్ చెల్లించాల్సిన ఆదాయం రూ.7.5 లక్షలకు చేరుకుంటుంది.

సెక్షన్ 80 డిడక్షన్స్.. రూ.7.5 లక్షల స్థూల ఆదాయంలో నుంచి సెక్షన్ 80C కింద కొన్ని తగ్గింపులు అందుబాటులో ఉంటాయి. ముందుగా ఎల్ఐసీ ప్రీమియం కింద రూ.40,000, పబ్లిక్ ప్రావిడెంట్ ఫండ్ సేవింగ్స్ కింద రూ.70,000, పిల్లల ట్యూషన్ ఫీజుల కింద రూ.5,000, హౌసింగ్ లోన్ తిరిగి చెల్లింపు కింద రూ.50,000 తగ్గింపు కోరినట్లయితే వీటన్నింటికీ కలిగి గరిష్ఠంగా చట్ట ప్రకారం రూ.1,50,000 తగ్గింపు లభిస్తుంది. దీని తర్వాత 80CCD(1B) కింద నేషనల్ పెన్షన్ స్కీమ్ పెట్టుబడులకు రూ.50,000, 80D కింద మెడికల్ ప్రీమియం చెల్లింపులకు గాను గరిష్ఠంగా రూ.50,000(భార్యా భర్తలకు 25 వేలు, తల్లిదండ్రులకు 25 వేలు) అనుమతించబడుతుంది. వీటన్నింటినీ తగ్గించిన తర్వాత పన్ను చెల్లించాల్సిన ఆదాయం రూ.5 లక్షలకు చేరుకుంటుంది.

చివరిగా టాక్స్ శ్లాబ్ ప్రకారం.. పాత టాక్స్ శ్లాబ్ రేట్ల ప్రకారం మెుత్తం రూ.5 లక్షల టాక్సబుల్ ఆదాయానికి 5 శాతం శ్లాబ్ రేటు వర్తిస్తుంది. ఈ లెక్కన రూ.5,00,000లపై రూ.12,500 టాక్స్ కట్టాల్సి ఉంటుంది. అయితే సెక్షన్ 87A కింద ఉన్న రిబేట్ అప్లై చేస్తే మెుత్తంగా రూ.10 లక్షల ఆదాయంపై సున్నా రూపాయల టాక్స్ చెల్లించాల్సి ఉంటుంది.

Pension Scheme: నెలకు రూ.9,250 పెన్షన్… చేరడానికి మార్చి 31 లాస్ట్ డేట్

February 14, 2023 by bharathi

Pension Scheme | కేంద్ర ప్రభుత్వం ప్రారంభించిన ఓ పథకంలో చేరినవారికి నెలకు రూ.9,250 పెన్షన్ లభిస్తుంది. ఈ పెన్షన్ స్కీమ్‌లో చేరడానికి మార్చి 31 లాస్ట్ డేట్. కేంద్ర ప్రభుత్వం 2017లో ప్రధాన మంత్రి వయ వందన యోజన (PMVVY) పథకాన్ని ప్రారంభించిన సంగతి తెలిసిందే. మొదట్లో ఇందులో పెట్టుబడి లిమిట్ Rs.7.5 లక్షలు ఉండగా, 2018 లో ఈ లిమిట్‌ను రూ.15 లక్షలకు పెంచింది కేంద్ర ప్రభుత్వం. వృద్ధాప్యంలో సీనియర్ సిటిజన్లకు సామాజిక భద్రతను ఇవ్వడానికి, వారికి వడ్డీ ద్వారా ప్రతీ నెలా కొంత ఆదాయాన్ని అందించడానికి రూపొందించిన పెన్షన్పథకం (Pension Scheme) ఇది. లైఫ్ ఇన్స్యూరెన్స్ కార్పొరేషన్ ఆఫ్ ఇండియా (LIC) ఈ పథకాన్ని నిర్వహిస్తోంది. ఈ స్కీమ్‌కు ప్రభుత్వం ఎప్పటికప్పుడు గడువు విధిస్తూ ఉంటుంది. తాజా గడువు 2023 మార్చి 31 వరకే ఉంది.

pension-scheme-march-2023

ప్రధాన మంత్రి వయ వందన యోజన పథకానికి వడ్డీని కేంద్ర ప్రభుత్వం ప్రతీ ఏటా నిర్ణయిస్తుంది. ప్రస్తుతం ఈ స్కీమ్‌కు 7.40 శాతం వడ్డీని అందిస్తోంది ఎల్ఐసీ . అంటే ఈ స్కీమ్‌లో చేరడం ద్వారా గరిష్టంగా నెలకు రూ.9,250 వరకు పెన్షన్ పొందొచ్చు. ఈ స్కీమ్‌లో కనీసం రూ.1,62,162 ఇన్వెస్ట్ చేయాలి. వారికి నెలకు రూ.1,000, మూడు నెలలకు రూ.3,000, ఆరు నెలలకు రూ.6,000, సంవత్సరానికి రూ.12,000 చొప్పున పెన్షన్ వస్తుంది.

ప్రధాన మంత్రి వయ వందన యోజన పథకంలో గరిష్టంగా రూ.15,00,000 పొదుపు చేయొచ్చు. 7.40 శాతం చొప్పున వడ్డీ లెక్కిస్తే నెలకు రూ.9,250 పెన్షన్ లభిస్తుంది. 60 ఏళ్లు దాటిన భార్యాభర్తలు ఈ పెన్షన్ పథకంలో రూ.30,00,000 పొదుపు చేస్తే ఇద్దరికీ కలిపి రూ.18500 పెన్షన్ పొందొచ్చు. 2023 మార్చి 31 లోగా చేరేవారికే ఇంత మొత్తంలో పెన్షన్ లభిస్తుంది.

రిటైర్మెంట్ సమయంలో వచ్చిన డబ్బుల్ని దాచుకొని ప్రతీ నెలా వడ్డీ పొందాలనుకునేవారికి ఈ పథకం ఉపయోగపడుతుంది. లేదా పెద్ద మొత్తంలో డబ్బులు వచ్చినప్పుడు వాటిని దాచుకొని ప్రతీ నెలా కొంత పెన్షన్ రూపంలో పొందాలనుకున్నా ఈ స్కీమ్‌లో చేరొచ్చు. ఇందులో చేరడానికి కనీస వయస్సు 60 ఏళ్లు. గరిష్ట వయస్సుకు ఎలాంటి పరిమితి లేదు. పాలసీ టర్మ్ 10 ఏళ్లు.

ప్రధాన మంత్రి వయ వందన యోజన పథకంలో చేరిన వారికి ప్రతీ నెల పెన్షన్ వస్తుంది. ఇలా 10 ఏళ్ల పాటు పెన్షన్ పొందొచ్చు. 10 ఏళ్ల తర్వాత మొదట చెల్లించిన మొత్తం తిరిగి వస్తుంది. ఒకవేళ పాలసీహోల్డర్ పాలసీ కొనసాగుతున్న సమయంలో మరణిస్తే నామినీకి ముందుగా జమ చేసిన మొత్తాన్ని చెల్లిస్తుంది ఎల్ఐసీ.

Rice Card Update 2023 | Changes in Ration Cards

February 14, 2023 by bharathi

రేషన్‌ కార్డుల్లో మార్పులు, చేర్పులకు ప్రభుత్వం ఇటీవల అవకాశం కల్పించింది. కానీ కొత్త కార్డు కావాలన్నా, మార్పు జరగాలన్నా వివిధ రకాల ధ్రువపత్రాలు, అనుబంధ పత్రాలు కోరడంతో అర్హులు ఇబ్బందులు పడుతున్నారు.

Changes-in-Ration-Cards-2023

* పార్వతీపురానికి చెందిన ఎస్‌.మనోజ్‌కుమార్‌ తెలంగాణలోని రంగారెడ్డి జిల్లాకు చెందిన అమ్మాయిని వివాహం చేసుకున్నారు. ఇటీవల తన రేషన్‌ కార్డులో భార్య పేరు చేర్చడానికి వివాహ ధ్రువపత్రంతో సచివాలయానికి వెళ్లగా హౌస్‌హోల్డ్‌ మ్యాపింగ్‌లో ఆమె పేరు లేదని, ఈ రాష్ట్రానికి చెందిన వ్యక్తినే చేర్చగలమని చెప్పడంతో వెనుదిరిగారు. ఉన్నతాధికారులను సంప్రదించగా ఆ రాష్ట్ర ఆధార్‌తో అనుసంధానించి పేరు చేర్చాలని సిఫార్సు చేశారు.

* గరుగుబిల్లి మండలం గొట్టివలసకు చెందిన రాము తాపీమేస్త్రి. ఇతనికి జియ్యమ్మవలస మండలానికి చెందిన యువతితో ఏడేళ్ల కిందట వివాహమైంది. తన కార్డులో భార్య, పిల్లల పేర్లు చేర్చాలని చూడగా వివాహ ధ్రువపత్రం కోరారు. దీని కోసం సబ్‌రిజిస్ట్రారు కార్యాలయానికి వెళ్లగా వయసు నిర్ధారణకు ఆధార్‌తో పాటు స్టడీ సర్టిఫికెట్‌ అడిగారు. దానిని 1998 లో చదివిన పాఠశాలకు వెళ్లి తీసుకొచ్చారు.

* పార్వతీపురం మండలం డోకిశీలకు చెందిన ఓ వ్యక్తి, అతని భార్య విడిపోయి 15 ఏళ్లయింది. కానీ ఇద్దరి పేర్లు ఒకే రేషన్‌కార్డులో ఉన్నాయి. ఇటీవల ఆమె పేరు తొలగించాలని దరఖాస్తు చేసుకోగా ఇద్దరు విడిపోయినట్లు కోర్టు ఇచ్చిన విడాకుల పత్రాలు తీసుకురావాలన్నారు. దీంతో ఆయన న్యాయవాదిని సంప్రదించాల్సి వచ్చింది.

* కొమరాడ మండలం బంజుకుప్పకు చెందిన శ్రీహరి, రాణి దంపతులు. వారికి రేషన్‌కార్డు కావాలని అధికారుల వద్దకు వెళ్లగా వివాహ ధ్రువపత్రం అడిగారు. దాని కోసం సబ్‌ రిజిస్ట్రార్‌ కార్యాలయానికి వెళ్లగా వయసు నిర్ధారణ కోసం పదో తరగతి ధ్రువపత్రం కోరారు. అమ్మాయి చదువుకోకపోవడంతో వయసు నిర్ధారణ పత్రం అడిగారు. దీనికోసం పార్వతీపురం ప్రభుత్వ ఆసుపత్రికి వెళ్లగా ఇక్కడ నిపుణులు లేక విశాఖ కేజీహెచ్‌కు వెళ్లాలని సూచించారు. దీంతో ఆమె ఐదు రోజులుగా తిరుగుతోంది.

Eligible-persons-who-come-for-certificates-at-Sub-Registrar-office

సబ్‌ రిజిస్ట్రార్‌ కార్యాలయానికి ధ్రువపత్రాల కోసం వచ్చిన అర్హులు

పార్వతీపురం, బెలగాం, న్యూస్‌టుడే: రేషన్‌ కార్డుల్లో మార్పులు, చేర్పులకు ప్రభుత్వం ఇటీవల అవకాశం కల్పించింది. కానీ కొత్త కార్డు కావాలన్నా, మార్పు జరగాలన్నా వివిధ రకాల ధ్రువపత్రాలు, అనుబంధ పత్రాలు కోరడంతో అర్హులు ఇబ్బందులు పడుతున్నారు. కార్డు వస్తుందో లేదో తెలియదు కానీ రోజుల కొద్దీ అధికారుల చుట్టూ తిరుగుతున్నారు.

గతంలో ఇలా..

* కార్డులో మార్పులకు పెట్టుకున్న దరఖాస్తులను సంబంధిత వీఆర్వోలు పరిశీలించి, నివాస ధ్రువపత్రం మంజూరు చేసేవారు. దీన్ని సంబంధిత కార్యాలయంలో సమర్పిస్తే కుటుంబ సభ్యులుగా గుర్తించి కార్డులో చేర్చేవారు.
* పేరు తొలగించాల్సి వస్తే అందుకు అవసరమైన కారణాలను నిర్ధారించే ధ్రువపత్రం సమర్పిస్తే పని పూర్తయ్యేది.
ఎన్నో అడ్డంకులు
* భర్తతో విడిపోయి ఒంటరిగా ఉంటున్న మహిళలకు ప్రభుత్వం పథకాలు అందిస్తోంది. వీటిని పొందాల్సిన వారికి ఒంటరిగా ఉన్నట్లు రేషన్‌కార్డు కావాలి. కానీ చాలా మందికి భర్తతో కలిసి ఉన్న కార్డులే ఉన్నాయి. కొత్త దాని కోసం వెళ్తే విడాకుల ధ్రువపత్రం అడుగుతున్నారు. గ్రామ పెద్దల సమక్షంలో విడిపోయిన వారికి పత్రాలు తీసుకురావడం భారంగా మారుతోంది.
* కొత్తగా పెళ్లయిన వారి పేర్లను కార్డుల్లో చేర్చాలంటే ధ్రువపత్రం కావాలి. వివాహమై ఏడేళ్లు గడిచిన వారి పేరు చేర్చాలంటే ఇంటింటి సర్వేలో మ్యాపింగ్‌ జరిగి ఉండాలని చెబుతున్నారు. దీని కోసం వివాహ ధ్రువపత్రం అవసరం. మన్యం ప్రాంతంలో రిజిస్ట్రేషన్లు చేసుకునే అలవాటు లేకపోవడంతో కొందరు అవస్థలు పడుతున్నారు.

అదనపు ఖర్చు

* వివాహ ధ్రువపత్రం కావాలంటే ప్రభుత్వ చలానాగా రూ.200 చెల్లించాలి. కానీ బయట ఖర్చులు రూ.2 వేల వరకు అవుతున్నట్లు పలువురు చెబుతున్నారు.
* పెళ్లై ఎక్కువ సంవత్సరాలు అయిన వారికి పత్రాలు కావాలంటే దంపతుల విద్యార్హత, స్టడీ సర్టిఫికెట్లు, పెళ్లి ఫొటో, ఆహ్వాన పత్రిక జతచేయాల్సి ఉంటుంది.
* నిరక్షరాస్యులకు వయసు నిర్ధారణ పత్రాన్ని ప్రభుత్వ ఆసుపత్రుల్లోని ఎముకల వైద్యుల నుంచి తీసుకోవాలి. గ్రామీణ ప్రాంతాల్లో వీరు లేకపోవడంతో విజయనగరం, విశాఖకు వెళ్లాల్సిన పరిస్థితి. దీని కోసం రూ.వేలల్లో ఖర్చవుతున్నట్లు చెబుతున్నారు. గతంలో పంచాయతీ కార్యాలయంలో పూర్తయ్యే పనుల కోసం ప్రస్తుతం సబ్‌ రిజిస్ట్రారు కార్యాలయానికి వెళ్లాల్సి వస్తోంది.

సబ్‌ రిజిస్ట్రారు కార్యాలయాల వద్ద వివాహ ధ్రువపత్రాల కోసం విదేశాలకు వెళ్లే వారు తప్ప ఇతరులు కనిపించరు. ప్రస్తుతం రేషన్‌ కార్డు కోసం వివాహ ధ్రువీకరణ పత్రం తప్పనిసరిగా జతచేయాల్సి ఉండటంతో భారీగా వస్తున్నారు.

నిబంధనల మేరకు

రేషన్‌ కార్డుల విషయంలో అనుసరించాల్సిన నిబంధనలను ప్రభుత్వం తెలియజేసింది. సంబంధిత ధ్రువపత్రాలు ముందుగా సమర్పిస్తే ఎక్కడా తిరగాల్సిన అవసరం ఉండదు. పత్రాలు లేకపోతే సంబంధిత నోటరీని సమర్పించే వెసులుబాటు కల్పించారు.

కేవీఎల్‌ఎన్‌ మూర్తి, జిల్లా పౌర సరఫరాల అధికారి, పార్వతీపురం మన్యం

LPG సిలిండర్ ధర : LPG వినియోగదారులకు పెద్ద ఉపశమనం! ఇప్పుడు వీరికి 14.2 కిలోల సిలిండర్ సగం రేటుకే లభిస్తుంది

February 14, 2023 by bharathi

LPG సిలిండర్ ధర : LPGకి సంబంధించి సాధారణ ప్రజలకు ఉపశమనం కలిగించే వార్త ఉంది. వాస్తవానికి, ఇప్పుడు వీరికి 14.2 కిలోల సిలిండర్ సగం రేటుతో లభిస్తుంది. అది ఎలానో ఎప్పుడు తెల్సుకుందాం.

lpg-cylinder-for-500

కొంతకాలంగా వంటగ్యాస్ ధరల పెరుగుదల కారణంగా ప్రజలు ద్రవ్యోల్బణాన్ని చవిచూడాల్సి వస్తోంది. ప్రస్తుతం వంటగ్యాస్ ధర (ఎల్పీజీ సిలిండర్ ధర) 1 వేల రూపాయలకు పైగా ఉంది. ఢిల్లీలో 14.2 కిలోల ఎల్‌పీజీ ధర రూ.1053, ముంబైలో రూ.1052.50, కోల్‌కతాలో రూ.1079. అయితే ఈ ఖరీదైన ధరను మీరు తప్పించుకోవచ్చు.

మీరు కేవలం రూ.500కే వంట గ్యాస్ సిలిండర్ ను పొందవచ్చు. ప్రభుత్వ పథకం కింద ఈ ప్రయోజనం మీకు అందించబడుతుంది. అయితే, ఈ ప్రయోజనం ఈ పథకానికి అర్హులైన వ్యక్తులకు మాత్రమే ఇవ్వబడుతుంది. ఈ పథకం కింద మీరు రూ. 500కి సిలిండర్‌ను ఎలా పొందవచ్చు.

ఏ పథకం కింద రూ. 500కి సిలిండర్ అందుబాటులో ఉంటుంది-

ఉజ్వల యోజన పథకం కింద 76 లక్షల కుటుంబాలకు రూ.500కే ఎల్‌పీజీ సిలిండర్లను అందజేస్తారు. రాజస్థాన్ ప్రభుత్వం ప్రస్తుత బడ్జెట్‌లో ఈ ప్రకటన చేసింది.

500 రూపాయలకే గ్యాస్ సిలిండర్ ఇస్తామని 2023-24 బడ్జెట్ ప్రసంగంలో ముఖ్యమంత్రి అశోక్ గెహ్లాట్ చెప్పారు. 2022లోనే, దారిద్య్ర రేఖకు దిగువన (బిపిఎల్) ఉన్నవారు ఏడాదికి రూ. 500 చొప్పున 12 సిలిండర్లు తీసుకోవచ్చని గెహ్లాట్ ప్రభుత్వం సూచించింది.

ఎవరు ప్రయోజనం పొందుతారు –

మీరు రాజస్థాన్ రాష్ట్ర నివాసి అయితే మరియు మీరు దారిద్య్రరేఖకు దిగువన ఉన్నట్లయితే, అంటే BPL కేటగిరీలో ఉన్నట్లయితే, మీకు LPG సిలిండర్ యొక్క ప్రయోజనం అందించబడుతుంది. మరొక రాష్ట్ర పౌరుడు రాజస్థాన్‌లో నివసిస్తుంటే, అతనికి ఈ పథకం కింద ప్రయోజనం ఇవ్వబడదు. డాక్యుమెంట్ల వెరిఫికేషన్ తర్వాత మాత్రమే ప్రయోజనాలు ఇవ్వబడతాయి.