Chilli Farming Farmers Good Income | ఆ ఊళ్లో అందరూ రైతులే | వ్యవసాయం దండగ కాదు | పండగ అని నిరూపిస్తున్న అనంతారం ప్రజలు

February 18, 2023 by bharathi

CHILLI FARMING FARMERS GOOD INCOME

అదో కుగ్రామం. ఆ పల్లెలో 196 కుటుంబాలు ఉంటాయి. 750 జనాభా ఉంటుంది. పల్లెటూరే అయినా పట్నాన్ని తలపిస్తున్నది. ఏ వీధికెళ్లినా సుందరమైన భవనాలే స్వాగతం పలుకుతాయి. విలాసవంతమైన భవనంలా ఉండే ఆ ఇండ్లలో ఎవరికి వారికి ప్రత్యేక గదులు. అన్ని ఇండ్లకు చూడముచ్చటైన రంగులు. అందరి ఇండ్లూ దాదాపు ఒకే విధంగా కనిపిస్తాయి. ప్రతి ఇంట్లోనూ ట్రాక్టర్‌. ఆవరణలో పాడి గేదెలు, పెరట్లో గడ్డివాములు దర్శనమిస్తాయి. ఊరంతా రైతులే. అరకే ఆయుధం. వ్యవసాయమే జీవనాధారం. వారిది ఒకే మాట. ఒకే పంట. అదే తేజా రకం మిర్చి.

ఆ గ్రామ రైతులు సుమారు 995 ఎకరాల్లో మిర్చి సాగు చేస్తున్నారు. ఎకరానికి దాదాపు 25 క్వింటాళ్లకు పైగానే దిగుబడి సాధిస్తున్నారు. ఎర్రబంగారం సాగు ఆ రైతుల ఇంట సిరులు కురిపిస్తున్నది. తేజారకం మిర్చికి మార్కెట్‌లో డిమాండ్‌ ఉండడంతో మంచి ధర పలుకుతున్నది. దీంతో అన్నదాతలు లాభాలను ఆర్జిస్తున్నారు. అంతేకాదు, ఆ పల్లెలో ఎకరానికి రూ.50 వేలకు పైగానే కౌలు పలుకున్నది అంటే అతిశయోక్తి కాదు. ఇంతకీ ఆ పల్లె ఎక్కడుంది.? గ్రామస్తుల ఏ పంట పండిస్తున్నారు? అక్కడి భూముల కౌలుకు డిమాండ్‌ ఎందుకో. తెలుసుకోవాలంటే భద్రాద్రి జిల్లా జూలూరుపాడు మండలంలోని అనంతారం గ్రామం వెళ్లాల్సిందే.

భద్రాద్రి కొత్తగూడెం, ఫిబ్రవరి 15 (నమస్తే తెలంగాణ): చూడడానికి ఆ ఊరు చాలా చిన్నది. కానీ ఉన్నదాంట్లో చాలా సంపన్నమైనది. అందుకు కారణం మరేమీ కాదు. పంటల సాగులో రైతుల పట్టుదల. వారు సాగు చేసే పంటలు కూడా అంత వైవిద్యమైనవేమీ కాదు. అందరూ పండించేది ఒకే పంట. అదే తేజా మిర్చి. అదే వారిని సుసంపన్నం చేసింది. రాజులుగా తీర్చిదిద్దింది. అవును. ఆ ఊరే. భద్రాద్రి జిల్లా జూలూరుపాడు మండలంలోని అనంతారం. ‘రైతే రాజు’ అనే పదానికి పరిపూర్ణ అర్థాన్నిస్తున్నారు ఈ గ్రామ కర్షకులు. అన్నదాత అంటే బక్కచిక్క ఉంటాడని, నాగలి భుజానికి వెసుకొని వెళ్తాడని, పూరి గుడిసెల్లో జీవిస్తాడని అనుకునే మాటలకు వీరి జీవనం పూర్తి భిన్నం. ఆధునికతను, సాంకేతికతను పుణికిపుచ్చుకొని మరీ సాగు పనులు పూర్తి చేస్తున్నారు ఈ గ్రామ రైతులు. సాగంటే నష్టాల బాట కాదని. లాభాల సేద్యమని నిరూపిస్తున్నారు.

సాగులో పోటీ.
‘వ్యవసాయం దండగ’ అంటూ ఇన్నాళ్లూ నానుడిగా ఉన్న మాటను ‘వ్యవసాయం పండుగ’ అని నిరూపిస్తున్నారు అనంతారం రైతులు. ఊళ్లో ఉన్నవి 196 కుటుంబాలు. అవన్నీ రైతు కుటుంబాలే. వ్యవసాయం తప్ప మరేమీ తెలియదు. పోటీ పడి మరీ అధిక దిగుబడి సాధించడం తప్ప మరో మాట లేదు. ఈ గ్రామంలో ప్రతి రైతుకూ కనీసం ఐదెకరాలకంటే తక్కువ పొలం లేందటే అతిశయోక్తి కాదు. ఒకవేళ కేవలం ఐదెకరాల సొంత పొలమే ఉన్న రైతు ఉంటే మరో ఐదెకరాలను కౌలుకు తీసుకొని తేజా మిర్చి సాగు చేస్తాడు. ఆరుగాలం శ్రమిస్తాడు. ఎర్ర‘బంగారాన్ని’ పండిస్తాడు. మరికొంత పొలం కోసం అధిక మొత్తంలో కౌలు చెల్లించేందుకూ వెనుకాడడు. 750 మంది జనాభా ఉన్న ఈ గ్రామం పేరుకు చిన్నదే అయినా పట్నం సొబగులు అద్దుకుంది. అన్నదాతల ఆవాసాలంటే పూరి గుడిసెలు, మట్టి గోడలు కాదు. సంపన్నులతో సమానమైన అందమైన భవనాలు.

ఊరంతా ఎర్రబంగారమే.
ఈ గ్రామ రైతులు సుమారు 995 ఎకరాల్లో మిర్చి పంటను సాగు చేస్తున్నారు. ఎన్ని వైరస్‌లు వచ్చినా, మరెన్ని తెగుళ్లు సోకినా పంటను ప్రాణపదంగా కాపాడుకుంటారు. ఎకరానికి కనీసం 25 క్వింటాళ్లకు పైగానే దిగుబడి సాధిస్తున్నారు. ప్రస్తుతం మార్కెట్‌లో ధర, డిమాండ్‌ వంటివి ఏటేటా పెరుగుతుండడంతో అధిక లాభాలను ఆర్జిస్తున్నారు. జిల్లాలో ఎక్కడా లేని కౌలు ధర ఈ గ్రామంలో ఉందంటే అతిశయోక్తి కాదు. ఎకరానికి రూ.50 వేలకు పైగానే వెచ్చిస్తారనడంలో ఆశ్చర్యమే లేదు. ఈ ఏడాది ఇదే కౌలుకు రూ.80 వేల వరకు చెల్లించారనే మాటలో సందేహమే లేదు.

పట్నం సొగబులు.
పేరుకు అది పల్లెటూరే అయినా పట్నాన్ని తలపిస్తుంటుంది. రైతులందరివీ పెద్ద పెద్ద భవంతులు. ఖరీదైన జీవనం. ప్రతి ఇంట్లోనూ ట్రాక్టర్‌. ఆవరణలో పాడి గేదెలు, పెరట్లో పెద్ద పెద్ద గడ్డివాములు కన్పిస్తుంటాయి. విలాసవంతమైన భవనంలా ఉండే ఆ ఇళ్లలో ఎవరికి వారికి ప్రత్యేక గదులు. దర్జా జీవనం. అన్ని ఇళ్లకూ చూడముచ్చటైన రంగులు. అందరి ఇళ్లవీ దాదాపు ఒకే నమూనాలు.

Housing Department | సొంతిల్లు పేదవాడి కల | నిర్మాణంలో లోపం ఉండకూడదు | జగన్

February 18, 2023 by bharathi

Housing Department: సొంత ఇల్లు అనేది పేదవాడి కల అని ముఖ్య‌మంత్రి జ‌గ‌న్ మోహ‌న్ రెడ్డి వ్యాఖ్యానించారు. అందుకే ఇళ్ల నిర్మాణంలో లోపం ఉండకూడదని స్పష్టం చేశారు. ల్యాబులను వినియోగించుకుని ఎప్పటికప్పుడు పరీక్షలను నిర్వహించి. పేదవాడికి అత్యంత నాణ్యమైన ఇంటిని అందించాలని అధికారులను ఆదేశించారు. పూర్తయిన ఇళ్లకు 15 రోజుల్లోగా విద్యుత్‌ కనెక్షన్ ఇవ్వాల‌ని స్పష్టం చేశారు. పేదలందరికీ ఇళ్లు కార్యక్రమంపై సీఎం జగన్‌ సమీక్ష నిర్వ‌హించారు. ఈ సందర్భంగా అధికారులకు కీలక సూచనలు చేశారు.

CHIEF MINISTER YS JAGAN MOHAN REDDY REVIEW ON HOUSING DEPARTMENT

ప్రధానాంశాలు:

హౌసింగ్ శాఖపై ముఖ్యమంత్రి జగన్ సమీక్ష
సొంతిల్లనేది పేదవాడి కలన్న సీఎం జగన్
నిర్మాణంలో ఎలాంటి లోపం ఉండకూడదని ఆదేశాలు

Housing Department: సొంత ఇల్లు పేదవాడి కల. వారికి ఇచ్చే ఇళ్ల నిర్మాణంలో లోపం ఉండకూడదని ముఖ్యమంత్రి వైఎస్ జగన్ మోహన్ రెడ్డి స్పష్టం చేశారు. లే అవుట్లలో మౌలిక సదుపాయాలు ఏర్పాటు చేసిన తర్వాత. వాటి నిర్వహణ విషయంలో గ్రామ, వార్డు సచివాలయాలు కీలక పాత్ర పోషించాలని సూచించారు. హౌసింగ్ శాఖపై ముఖ్యమంత్రి YS Jagan Mohan Reddy సమీక్ష నిర్వహించారు. ఈ సందర్భంగా అధికారులకు పలు ఆదేశాలు జారీ చేశారు.

ఇళ్ల నిర్మాణ కోసం ఈ ఆర్థిక సంవత్సరంలో జనవరి నెలాఖరు వరకూ చేసిన ఖర్చు రూ.7630 కోట్లు అని సీఎం జగన్ వివరించారు. ఈ ప్రభుత్వం ఇప్పటివరకూ మొత్తంగా రూ.13,780 కోట్లు కేవలం ఇళ్ల నిర్మాణం కోసమే ఖర్చు చేసిందన్నారు. సుమారుగా 2.75 లక్షల ఇళ్లను పూర్తిచేశామని. మరో 74 వేల ఇళ్లలో శ్లాబు వేసే పనులు జరుగుతున్నాయని. అధికారులు సీఎంకు వివరించారు. మరో 79 వేల ఇళ్లు రూఫ్‌ లెవల్లో ఉన్నాయన్నారు. మార్చి నాటికి పేదలందరికీ ఇళ్లు కార్యక్రమం కింద చేపట్టిన ఇళ్లలో. సుమారు 5 లక్షల ఇళ్లు పూర్తిచేసే దిశగా పనులు జరుగుతున్నాయని అధికారులు చెప్పారు.

‘టిడ్కో ఇళ్ల కోసం గత ప్రభుత్వం ఐదేళ్లలో చేసిన ఖర్చు రూ.8015 కోట్లు అయితే. ఈ ప్రభుత్వం చేసిన ఖర్చు, పేదలకు కల్పించిన ప్రయోజనాలు విలువ చూస్తే మొత్తంగా రూ.20,745 కోట్లు. టిడ్కో ఇళ్ల నిర్మాణ ఖర్చుకింద, మౌలిక సదుపాయాల కోసం. ఈ మూడున్నర సంవత్సరాల్లోనే రూ.8,734 కోట్లు ఖర్చు చేశాం. దీంతోపాటు 300 అడుగుల ఇళ్లను ఉచితంగా ఇవ్వడం వల్ల దాదాపు రూ.10,339 కోట్ల రూపాయల లబ్ధి పేదలకు జరిగింది’ అని జగన్ వివరించారు.

‘లబ్ధిదారులు తమ వంతుగా చెల్లించాల్సిన డబ్బును పూర్తిగా మాఫీ చేయడమే కాకుండా. బ్యాంకుల నుంచి అప్పు తీసుకోవాల్సిన అవసరం లేకుండా. నెలా నెలా వాయిదాలు కట్టాల్సిన పనిలేకుండా పూర్తి ఉచితంగా ఆ ఇళ్లను అందిస్తున్నాం. మిగిలిన వారికీ ఊరట కల్పించే చర్యల్లో భాగంగా 365, 430 చదరపు అడుగులు ఇళ్లకు లబ్ధిదారులకు తమ వంతుగా చెల్లించాల్సిన డబ్బులో కల్పించిన సబ్సిడీ కారణంగా రూ. 482 కోట్ల మేర లబ్ధిజరిగింది. ప్రభుత్వం ఆ భారాన్ని కూడా తీసుకుంది. రిజిస్ట్రేషన్‌ ఛార్జీలను తొలగించి ఉచితంగా ఇళ్లు రిజిస్ట్రేషన్‌ చేయించడం ద్వారా. మరో రూ.1200 కోట్ల భారాన్ని ప్రభుత్వం తీసుకుంది’ అని జగన్ స్పష్టం చేశారు.

ఇళ్ల నిర్మాణంలో ఎలాంటి నాణ్యతా లోపం లేకుండా చూడాలంటూ ముఖ్యమంత్రి ఇచ్చిన ఆదేశాల నేపథ్యంలో. తాము తీసుకున్న చర్యలను అధికారులు వివరించారు. స్టేజ్‌ కన్వెర్షన్‌ బాగా జరిగిందని అధికారులు జగన్‌కు వివరించారు. ఇళ్ల నిర్మాణాల్లో నాణ్యతను పరీక్షించేందుకు మొత్తంగా 36 ల్యాబులు ఏర్పాటు చేశామని వెల్లడించారు. ఇళ్ల నిర్మాణంలో ఉపయోగించే మెటల్ నాణ్యతపై 285 పరీక్షలు, సిమెంటుపైన 34 పరీక్షలు, స్టీలుపై 84 పరీక్షలు, ఇటుకలపైన 95 టెస్టులు. ఇలా పలురకాల పరీక్షలు నిర్వహించామని ముఖ్యమంత్రికి చెప్పారు. ఎక్కడ లోపం వచ్చినా. వెంటనే గుర్తించి. నాణ్యతను పెంచుకునేందుకు ల్యాబులు ఉపయోగపడుతున్నాయని వివరించారు.

Farmers Pension : రైతులకు ప్రతీ నెలా రూ.3,000 పెన్షన్… ఈ స్కీమ్‌లో చేరండిలా

February 18, 2023 by bharathi

Farmers Pension | రైతులకు ప్రతీ నెలా రూ.3,000/- పెన్షన్ ఇచ్చే స్కీమ్ ఉంది. ఈ పథకంలో చేరిన రైతులు వృద్ధాప్యంలో పెన్షన్ పొందవచ్చు.

PM KISAN MANDHAN YOJANA FARMERS CAN JOIN IN THIS SCHEME AND GET RS 3000 MONTHLY PENSION

కేంద్ర ప్రభుత్వం రైతుల కోసం అనేక పథకాలు అందిస్తున్న సంగతి తెలిసిందే. ప్రధాన మంత్రి కిసాన్ సమ్మాన్ నిధి పథకం (PM Kisan Scheme) ద్వారా ప్రతీ ఏటా రూ.6,000 పెట్టుబటి సాయం అందిస్తోంది కేంద్ర ప్రభుత్వం. దీంతో పాటు కిసాన్ క్రెడిట్ కార్డ్ స్కీమ్ (Kisan Credit Card Scheme) ద్వారా కేవలం 4 శాతం వార్షిక వడ్డీకే వ్యవసాయ రుణాలు కూడా ఇస్తోంది. రైతులకు ప్రతీ నెలా పెన్షన్ఇచ్చే స్కీమ్ కూడా ఉంది. ఆ స్కీమ్ పేరు ప్రధాన మంత్రి కిసాన్ మాన్‌ధన్ యోజన (PM Kisan Mandhan Yojana). ఈ స్కీమ్‌లో చేరిన రైతులు ప్రతీ నెలా రూ.3,000 పెన్షన్ పొందొచ్చు. మరి ఈ పెన్షన్ పథకంలో చేరడానికి అర్హతలేంటీ? ఎవరు చేరొచ్చు? స్కీమ్ నియమనిబంధనలు ఎలా ఉన్నాయో తెలుసుకోండి.

ప్రధాన మంత్రి కిసాన్ మాన్‌ధన్ యోజన వివరాలు
ప్రధాన మంత్రి కిసాన్ మాన్‌ధన్ యోజన పేరుతో ఈ స్కీమ్ 2019లో ప్రారంభమైంది. నేషనల్ పెన్షన్ స్కీమ్, ఎంప్లాయీస్ స్టేట్ ఇన్స్యూరెన్స్ కార్పొరేషన్, ఎంప్లాయీస్ ప్రావిడెంట్ ఫండ్ లాంటి సామాజిక భద్రతా పథకాల్లో లేని రైతులకు వృద్ధాప్యంలో ఆర్థికంగా అండగా నిలిచేందుకు కేంద్ర ప్రభుత్వం ఈ పెన్షన్ స్కీమ్ ప్రారంభించింది. ఈ పథకంలో చేరిన రైతులకు ప్రతీ నెల రూ.3,000 పెన్షన్ చొప్పున ఏటా రూ.36,000 పెన్షన్ లభిస్తుంది. రెండు హెక్టార్ల లోపు పొలం ఉన్న రైతులు ఈ పెన్షన్ స్కీమ్‌లో చేరొచ్చు. 18 ఏళ్ల నుంచి గరిష్టంగా 40 ఏళ్ల వయస్సులోపు ఉన్న రైతులు ఎవరైనా ఈ పథకంలో చేరొచ్చు.

ప్రధాన మంత్రి కిసాన్ మాన్‌ధన్ యోజన స్కీమ్‌లో చేరిన రైతులు ప్రతీ నెల కొంత ప్రీమియం చెల్లించాలి. ఈ ప్రీమియం రైతుల వయస్సును బట్టి రూ.55 నుంచి రూ.200 మధ్య ఉంటుంది. ఉదాహరణకు 18 ఏళ్ల వయస్సు ఉన్నప్పుడు చేరితే రూ.55 ప్రీమియం, 30 ఏళ్ల వయస్సు ఉన్నప్పుడు చేరితే రూ.110 ప్రీమియం, 40 ఏళ్ల వయస్సు ఉన్నప్పుడు చేరితే రూ.200 ప్రీమియం చెల్లించాలి. 60 ఏళ్ల వయస్సు వచ్చే వరకు రైతులు ప్రీమియం చెల్లించాల్సి ఉంటుంది.

రైతులకు 60 ఏళ్లు వయస్సు దాటగానే కేంద్ర ప్రభుత్వం ప్రతీ నెలా రూ.3,000 చొప్పున పెన్షన్ ఇస్తుంది. పాలసీ కొనసాగుతున్న సమయంలో రైతు మరణిస్తే వారి జీవిత భాగస్వామి మిగతా ప్రీమియంలు చెల్లించి పెన్షన్ పొందవచ్చు. పెన్షన్ తీసుకుంటున్న రైతు మరణిస్తే వారి జీవిత భాగస్వామికి 50 శాతం ఫ్యామిలీ పెన్షన్ లభిస్తుంది. ఒకవేళ జీవిత భాగస్వామికి పెన్షన్ వద్దనుకుంటే చెల్లించిన డబ్బు వడ్డీతో సహా వెనక్కి వస్తుంది. ఇద్దరూ మరణించినట్టైతే నామినీకి డబ్బుల్ని చెల్లిస్తుంది ప్రభుత్వం. ఈ స్కీమ్‌లో చేరిన రైతులు తాము పథకంలో కొనసాగడం ఇష్టం లేకపోతే వారు చెల్లించిన మొత్తం వడ్డీతో సహా తిరిగి ఇచ్చేస్తుంది ప్రభుత్వం.

ప్రధాన మంత్రి కిసాన్ మాన్‌ధన్ యోజన పథకంలో ఎలా చేరాలి?
అర్హులైన రైతులు దగ్గర్లో ఉన్న కామన్ సర్వీస్ సెంటర్‌కు వెళ్లి ఈ స్కీమ్‌లో చేరొచ్చు. ఆధార్ నెంబర్ , బ్యాంక్ పాస్‌బుక్ లేదా బ్యాంక్ అకౌంట్ వివరాలు సమర్పించాలి. ఆ తర్వాత ప్రతీ నెలా ప్రీమియం చెల్లించాలి.

PM Kisan Samman Nidhi : రైతులకు అదిరే శుభవార్త.. అకౌంట్లలోకి పీఎం కిసాన్ డబ్బులు, వచ్చేది ఈ తేదీనే..

February 18, 2023 by bharathi

PM Kisan Scheme | మీరు పీఎం కిసాన్ స్కీమ్‌లో చేరారా? అయితే గుడ్ న్యూస్. కేంద్ర ప్రభుత్వం 13వ విడత డబ్బులను రైతులకు అందించడానికి రెడీ అవుతోంది.

PM KISAN 13TH INSTALLMENT | PM MODI TO RELEASE MONEY ON THIS DATE | KNOW HOW TO CHECK STATUS ONLINE

PM Kisan Yojana | రైతులకు తీపికబురు. బ్యాంక్ అకౌంట్లలో డబ్బులు జమ కానున్నాయి. కేంద్ర ప్రభుత్వం ప్రధాన్ మంత్రి కిసాన్ సమ్మాన్ నిధి యోజన కింద అన్నదాతల బ్యాంక్ అకౌంట్లలో 13వ విడత డబ్బులు డిపాజిట్ చేయడానికి రెడీ అవుతోంది. దీంతో రైతులకు ఊరట కలుగుతుందని చెప్పుకోవచ్చు.

కేంద్ర ప్రభుత్వం అర్హత కలిగిన రైతులకు పీఎం కిసాన్ స్కీమ్ కింద రూ. 2 వేలు బ్యాంక్ ఖాతాల్లో జమ చేయనుంది. వెలువడుతున్న నివేదికల ప్రకారం చూస్తే.. ఫిబ్రవరి 24న ఈ డబ్బులు రైతుల బ్యాంక్ అకౌంట్లలోకి రానున్నాయని తెలుస్తోంది. అంటే ఇంకో ఆరు రోజుల్లో రైతులకు డబ్బులు రానున్నాయి.

ఫిబ్రవరి 24న కేవలం పీఎం కిసాన్ స్కీమ్ డబ్బులు మాత్రమే కాకుండా ఏపీ ప్రభుత్వం కూడా ఆ రోజున రైతు భరోసా డబ్బులను అందించనుంది. అంటే రైతులకు డబుల్ ధమాకా అని చెప్పుకోవచ్చు.

కేంద్ర ప్రభుత్వం ఇప్పటికే 13వ విడత పీఎం కిసాన్ డబ్బులును రైతులకు అందించాల్సి ఉంది. సంక్రాంతి పండుగకే ఈ డబ్బులు వస్తాయని గతంలో నివేదికలు వెలువడ్డాయి. అయితే అలా జరగలేదు. ఇప్పుడు ఫిబ్రవరి 24న డబ్బులు రైతుల బ్యాంక్ అకౌంట్లలో జమ కానున్నాయని తెలుస్తోంది.

ఇకపోతే పీఎం కిసాన్ డబ్బులు పొందాలని భావించే రైతులు కచ్చితంగా ఇకేవైసీ పూర్తి చేసుకోవాల్సి ఉంది. ఎవరైతే ఇకేవైసీ చేసుకంటారో వారికే ఈ 13 వ విడతల డబ్బులు అందనున్నాయి. మిగతా వారికి మాత్రం ఈ డబ్బులు రావని చెప్పుకోవచ్చు.

పీఎం కిసాన్ వెబ్‌సైట్‌లోకి వెళ్లి మీరు మీకు డబ్బులు వచ్చాయా? లేదా? అనే విషయాన్ని చెక్ చేసుకోవచ్చు. ఆధార్ కార్డు, రిజిస్టర్డ్ మొబైల్ నెంబర్ వంటివి ఇందుకు అవసరం అవుతాయి. అలాగే బెనిఫీషియరి జాబితా కూడా చూసుకోవచ్చు.

డబ్బులు వస్తే.. వచ్చాయని చూపిస్తుంది. అలాగే రాకపోతే.. ఎందుకు రాలేదో కూడా కారణాన్ని తెలియజేస్తుంది. అందువల్ల మీరు పీఎం కిసాన్ వెబ్‌సైట్ నుంచి ఈ వివరాలు పొందొచ్చు.

కాగా కేంద్ర ప్రభుత్వం రైతుల కోసం ఎంతో ప్రతిష్టాత్మకంగా పీఎం కిసాన్ స్కీమ్ పథకాన్ని తీసుకువచ్చింది. రైతులు అందరూ ఈ పథకంలో చేరొచ్చు. ఏటా రూ. 6 వేలు ఉచితంగా లభిస్తాయి. ఒకేసారి కాకుండా విడతల వారీగా ఈ డబ్బులు వస్తాయి.

పీఎం కిసాన్ స్కీమ్ డబ్బులు మూడు విడతల్లో రూ. 2 వేల చొప్పున లభిస్తాయి. అంటే నాలుగు నెలలకు ఒకసారి రూ. 2 వేలు వస్తాయని చెప్పుకోవచ్చు. ఇప్పటికే 12 విడతల డబ్బులు వచ్చాయి. ఇప్పుడు 13వ విడత పీఎం కిసాన్ స్కీమ్ డబ్బులు అందాల్సి ఉంది.

మీరు ఇంకా ఈ స్కీమ్‌లో చేరకపోతే.. వెంటనే పీఎం కిసాన్ వెబ్‌సైట్‌లోకి వెళ్లి ఉచితంగా పథకంలో చేరొచ్చు. ఆధార్ కార్డు, రేషన్ కార్డు, పొలం పట్టా, బ్యాంక్ అకౌంట్ వంటి వివరాలు అవసరం అవుతాయి. ఒక ఇంట్లో కేవలం ఒక్కరికి మాత్రమే పీఎం కిసాన్ వర్తిస్తుంది.

ఉచితంగా రూ.లక్ష పొందండి | కేంద్రం బంపరాఫర్, ఇలా చేస్తే చాలు | GET RS 1 LAKH CASH PRIZE

February 18, 2023 by bharathi

Money | మీరు ఉచితంగా రూ. లక్ష పొందాలని భావిస్తున్నారా? అయితే గుడ్ న్యూస్. మీకోసం ఒక ఆప్షన్ అందుబాటులో ఉంది. ఒక లోగో డిజైన్ చేస్తే చాలు రూ. లక్ష పొందొచ్చు.

DESIGN A LOGO FOR YUVA TOURISM CLUB GET RS 1 LAKH CASH PRIZE

Bank Account | కేంద్ర ప్రభుత్వం అదిరిపోయే ఆఫర్ ఒకటి తీసుకువచ్చింది. ఉచితంగానే రూ. లక్ష పొందే అవకాశం ఉంది. ఎలా అని అనుకుంటున్నారా? అయితే మీరు ఈ విషయం తెలసుకోవాల్సిందే. మోదీ సర్కార్ ఒక కాంటెస్ట్ నిర్వహిస్తోంది. ఇందులో పాల్గొని విజేతగా నిలిస్తే వారికి రూ.లక్ష లభిస్తాయి.

కేంద్ర ప్రభుత్వం యూత్ టూరిజం లక్ష్యంగా ఇండియా@75 కార్యక్రమాన్ని నిర్వహిస్తోంది. ఇందులో భాగంగా భారత ప్రభుత్వం యువ టూరిజం క్లబ్స్ నిర్వహిస్తోంది. యువత పర్యాటక రంగానికి యువ రాయబారులుగా ఉంటారని, యువత పంచుకున్న అనుభవాలు వారి స్నేహితులు, కుటుంబ సభ్యులను ప్రయాణం చేయడానికి మరింత ప్రోత్సహిస్తాయని తెలిపింది.

బాధ్యతాయుతమైన పర్యాటక పద్ధతులను ప్రచారం చేయడం, చదువుతో పాటుగా ట్రావెల్ అండ్ టూరిజం ప్రాముఖ్యత తెలియజేయడం వల్ల విద్యార్ధులను హాస్పిటాలిటీ అండ్ టూరిజం రంగంలో స్కిల్డ్ ప్రొఫెషనల్స్‌గా మార్చొచ్చని కేంద్రం భావిస్తోంది.

అందుకే కేంద్ర ప్రభుత్వం ఈ అంశాలు అన్నింటినీ దృష్టిలో ఉంచుకుని కీలక నిర్ణయం తీసుకుంది. పర్యాటక మంత్రిత్వ శాఖ మైగౌవ్‌తో భాగస్వామ్యం కుదుర్చుకుంది. యువ టూరిజం క్లబ్ కోసం లోగో డిజైన్ పోటీని యువకుల కోసం నిర్వహిస్తోంది.

ఆసక్తి కలిగిన వారు ఈ పోటీలో పాల్గొనవచ్చు. విజేతగా నిలిచిన వారికి రూ. లక్ష లభిస్తాయి. మీరు అప్లికేషన్ సమర్పించడానికి 2023 మార్చి 1 వరకు గడువు ఉంటుంది. అందువల్ల మీరు ఈ కాంటెస్ట్‌లో పాల్గొనాలని భావిస్తే.. వెంటనే అప్లికేషన్ పంపించండి.

మీరు ఆన్‌లైన్‌లోనే ఈ పని సులభంగానే చేయొచ్చు. మైగౌవ్ వెబ్‌సైట్‌లోకి వెళ్లి మీరు అప్లికేషన్ సబ్‌మిట్ చేయొచ్చు. ఈ కాంటెస్ట్‌లో పాల్గొనాలని భావించే వారు కొన్ని విషయాలు గుర్తించుకోవాలి.

విజేతగా నిలిచిన వారు డిజైన్ చేసిన లోగోను టూరిజం శాఖ వినియోగించుకుంటుంది. పోటీలో పాల్గొనే వారు వారి పేరు, ఈమెయిల్, ఫోన్ నెంబర్, పోస్టల్ అడ్రస్ వంటి వివరాలు అన్నింటినీ అందించాల్సి ఉంటుంది.

ఒక్కసారి మీరు మీ అప్లికేషన్ సబ్‌మిట్ చేసిన తర్వాత మళ్లీ వెనక్కి తీసుకోవడం వంటివి అంటూ ఏమీ ఉండదు. ఒక వ్యక్తి కేవలం ఒక్కసారి మాత్రమే అప్లికేషన్ సబ్‌మిట్ చేయడానికి అవకాశం ఉంటుంది. ఎక్కువ ఎంట్రీలకు ఛాన్స్ లేదు.

లోగో డిజైన్ అనేది తప్పనిసరిగా జేపీజీ, జేపీఈజీ, పీఎన్‌జీ, ఎస్‌వీజీ ఫార్మాట్లలోనే ఉండాలి. అలాగే లోగోను డిజిటల్ ప్లాట్‌ఫామ్‌ మీదనే రూపొందించాలి. కలర్‌లో లోగో డిజైన్ ఉండాలి. లోగో సైజ్ 5 * 5 సెంటీమీటర్ల నుంచి 60 * 60 సెంటీమీటర్ల వరకు ఉండొచ్చు.

ల్యాండ్‌స్కేప్ లేదా పోట్రేట్ ఇలా మీరు ఎలాగైన లోగోను డిజైన్ చేయొచ్చు. లోగోను వెబ్‌సైట్‌లో ఉపయోగించేలా ఉండాలి. ఫేస్‌బుక్, ట్విట్టర్ వంటి వాటిల్లో కూడా వాడేలా మీరు లోగోను రూపొందించాలి. లోగో కనీసం 300 డీపీఐ రెజల్యూషన్‌తో ఉండాలి.